ЕАЭБтин бажы аймагына товарларды жана транспорт каражаттарын мыйзамсыз ташып кирүү фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, “Баткен” бажысынын кызматкерлери Баткен областында “М.И.И.”, аттуу Кыргыз Республикасынын жаранынын башкаруусундагы “Volvo FH12” үлгүсүндөгү таранспорт каражатын чиркегичи менен токтотуп текшеришкен. Бул тууралу Мамлекеттик бажы кызматынын басма сөз кызматы билдирет.
Жогоруда көрсөтүлгөн транспорт каражатынын жүк бөлүгүн текшерген учурда Кыргыз Республикасына чектеш мамлекеттен мыйзамсыз ташылып келе жаткан жалпы 18560,5 кг, желим ящиктерге салынган өрүк табылган. Кармалган товардын орточо базар баасы 1205820 сомду түзөт.
Бул факты Кылмыштардын жана жоруктардын бирдиктүү реестрине катталып, матералдар тергөөгө караштуулугу боюнча өткөрүлүп берилди.
КОММЕНТАРИЙ КАЛТЫРУУ