Бүгүн, 28-майда Жогорку Кеңештин депутаты Кубанычбек Жумалиев “Чоң казат” кыймылынын лидерлеринин бири Канат Хасановго каршы арыз жазды. Бул тууралуу депутаттын адвокаты Бактыбек Жумашев журналисттерге билдирди.
Анын айтымы боюнча, Кубанычбек Жумалиев ИИМдин башчысы Кашкар Жунушалиевдин атына арыз жазган.
“Депутат Канат Хасановду жоопко тартууну суранат. Канат Хасанов 26-майда Жумалиев Ленин райондук сотунун төрагасына 100 миң доллар пара сунуштады деген маалымат жарыяланган. Антип ал депутатты далилсиз оор кылмыш жасады деп айыптады. Хасановдун аракеттери “кылмыш жасалгандыгы жөнүндө атайылап жалган билдирүү жасоо” беренесине туура келет” – дейт адвокат.
КОММЕНТАРИЙ КАЛТЫРУУ