Бишкектеги №2 төрөт үйүндө каза болгон 27 жаштагы келинде пневмония болгон. Бул тууралуу Саламаттык сактоо министрлигинин башкы гинекологу Раиса Асылбашева журналисттерге билдирди.
Анын айтымы боюнча, ал аял төрөт үйүнүн обсервациясына коронавирустук инфекциянын белгилери (жөтөл, дене табынын көтөрүлүшү) менен кайрылган.
27 жаштагы келин кесерова жолу менен 34-35 аптада (8 айлык) эгиз балдарды жарык дүйнөгө алып келген. Операциядан кийин анда пневмония өөрчүп, дарыгерлер анын өмүрүн сактай албай калышкан. Ал бешинчи суткада өпкөнүн жетишсиздигинен улам көз жумган.
Каза болгон келиндин ымыркайлары №4 төрөт үйүндөгү ара төрөлгөн наристелер үчүн бөлүмдө жатышат.
Белгилей кетсек, өткөн суткада коронавирустан улам 5 бейтап каза болгон. Илдетти жеңе албай, жан берген жарандардын саны 57ге жетти.
КОММЕНТАРИЙ КАЛТЫРУУ