Жогорку Кеңештин экс-спикери Чыныбай Турсунбековдун кызы Айдай Сеид Атамбаевди жалган айтууда деп айыптады.
“Менин атамдын өлүмүн өзүңөрдүн саясий оюндарыңарга аралаштырбоону суранам. Адамгерчиликтүү болуп, атамдын атын жайына койгула. Сеид Атамбаевдин жазгандарынын баары жалган” – деп жазды Айдай Турсунбекова Fecebook социалдык тармагындагы баракчасына.
Белгилей кетсек, Алмазбек Атамбаевдин уулу Сеид Чыныбай Турсунбеков “Кыргызстан социал-демократтар” партиясын тымызын колдоп жаткандыгын жана жакында партияга кошула тургандыгын жарыялоого даярданып жаткандыгын жазып чыккан.
Эскерте кетсек, Жогорку Кеңештин мурдагы төрагасы Чыныбай Турсунбеков 59 жаш курагында өпкөнүн сезгенүүсүнөн улам каза болду. Анын сөөгү кечээ, 7-июлда “Ала-Арча” көрүстөнүндө жерге берилди.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ