Видео – Ассоль Молдокматова кримтөбөл Камчы Көлбаевге Чолпон-Атадагы ооруканага жардам бергени үчүн ыраазычылык билдирип, Бабановду Таласка жардам берүүгө чакырды

Белгилүү теле алып баруучу Ассоль Молдокматова кримтөбөл Камчы Көлбаевге Чолпон-Атадагы ооруканага жардам бергени үчүн ыраазычылык билдирди. Ал билдирүүсүн Facebook социалдык тармагындагы баракчасына жарыялаган.

“Кечээ эле Чолпон-Ата аймактык ооруканасына кычкылтек концентраторлору, штативдер, керебеттер, матрацтар, шейшептер, төшөктөр керек болуп жаткан. Мен Камчы Көлбаевге кайрылдым. Бүгүнкү күндө бардыгы ташылып келинди. Алар: 10 кычкылтек концентратору, 30 пульсоксиметр, 20 керебет матрацтары менен, 30 штатив”, – деди Молдоакматова.

Ассоль Молдокматова Камчы Көлбаевди “кыргыз элинин чыныгы уулу” деп атап, терең ыраазычылыгын билдирди. Ошону менен катар Молдоакматова бизнесмен Өмүрбек Бабановду Таластын ооруканасына жардам берүүгө чакырды.