Бишкекте “Салтанат” ресторанында 45 орундуу түнкү стационар ачылды

Бишкекте дагы бир түнкү стационар ачылды. Бул тууралуу муниципалитеттин басма сөз кызматы билдирди.

Маалыматка ылайык, 45 орундуу стационар Кара-Жыгач жаңы конушунда жайгашкан “Салтанат” ресторанында ачылган.

“Керебеттер, атайын экрандар, тамчылар үчүн штативдер орнотулуп, үч кычкылтек концентратору жеткирилди. Бейтаптарга ыңгайлуу болушу үчүн көчмө дарыкана орнотулган ”, – деп билдирди муниципалитет.

Шаардык мэриядан белгилегендей, стационар “Талас жаштар ынтымагы” коомунун колдоосу менен ачылган.

Жаңы түнкү стационар саат 21.00дөн 9.00гө чейин иштейт.