Нарын облусунда сабалган агитатор Алтынбек Апеков “Мекеним Кыргызстан” партиясынын агитаторлору менен болгон чыр-чатактын чоо-жайын айтып берди. Ал Алыш айылындагы “Республика” партиясынын үгүт тобунун жетекчиси экендигин билдирди.
Анын айтымында, “Мекеним Кыргызстандын” өкүлдөрү келип, ар кайсы партиялардын, анын ичинде «Республика» партиясынын айрым агитаторлорун азгырышты.
“Ушундан улам, биздин ортобузда оозеки кайым айтышуу болуп, ачык жаңжалга айланды.” Мекеним Кыргызстан” партиясынын агитаторлору Төлөн жана Максат адамдарды No2 форма менен алып келе беришти. Алар бизге элди жана агитаторлорду бербей тургандыктарын айтышты. Жаңжал ушундан улам келип чыккан. Төлөн менен Максат мени сабап салды. Азыр мен ооруканада жатам”, – деди Алтынбек.
Эскерте кетсек, “Республика” партиясынын агитатору Нарын облусунда сабалган. Болжолдуу түрдө аны “Мекеним Кыргызстандын” өкүлү сабап салган. ИИМ маалыматты тастыктап, бирок жаңжал мас абалында болгонун, саясаттын буга эч кандай тиешеси жоктугун билдирди. Учурда мушташтын бардык катышуучуларынын өздүктөрү аныкталды, алардын бири милиция бөлүмүнө жеткирилди.
КОММЕНТАРИЙ КАЛТЫРУУ