Ысык-Көл облусунун Жети-Өгүз районунун баш имам хатиби Талантбек Акылбек уулу райондун жалпы мечиттеринин абалы менен жеринде таанышты. Бул тууралуу бүгүн, 28-сентябрда Кыргызстан мусулмандар дин башкармалыгынын басма сөз кызматы билдирди.
Анда Дин иштери боюнча мамлекеттик комиссиясынын Ысык-Көл облусу боюнча өкүлү Саламат Жолдошев менен биргеликте райондогу имамдар менен жолугушуп, ар бир мечиттин ал-абалы менен жеринде таанышты.
“Учурдагы кырдаалдан улам Саламаттыкты сактоо министрлигинин алгоритмине ылайык, мечиттерде санитардык сактык эрежелери канчалык деңгээлде сакталышы, мечиттердин тазалыгы текшерүүгө алынды»,-деди Талантбек Акылбек уулу.
Мындан тышкары ар бир айылдын эли менен жолугушуп, ынтымак, биримдик, сабырдуулук туурасында баяндамасын жасап, түшүндүрүү иштерин жүргүздү.
КОММЕНТАРИЙ КАЛТЫРУУ