Өткөн дем алыш күнү «АДИНАЙ» паркында ден соолукту бекемдөө борбору, шаардык саламаттыкты сактоо башкармалыгы жана Кызыл Жарым Ай коому Кан донорлор күнүн белгилешти. Бул тууралуу бүгүн, 28-сентябрда Бишкек мэриясынын басма сөз кызматы билдирди.
Анда шаардыктарга кан басымынын пайда болушу тууралуу, жүрөк-кан тамыр ооруларын алдын алуу боюнча кеңештерин беришти.
Иш-чарада ар бир жаран кан басымын текшертип, кан берүүгө мүмкүнчүлүк түзүлдү.
Ошондой эле, 169 адам кан басымын текшертип, анын ичинен 48 адамдын кан басымы жогору экендиги аныкталды. Ал эми 9 адамга оору тууралуу медициналык кеңеш берилди.
Мындан сырткары, 84 адам кан донору болуп, 38 литр кан чогулду.
КОММЕНТАРИЙ КАЛТЫРУУ