Жер пайдалануу жана курулуш башкармалыгы «Тазалык» муниципалдык ишканасы менен биргеликте шаарды мыйзамсыз курулуштардан арылтуу иштерин жүргүзүп жатат. Бул тууралуу бүгүн, 28-сентябрда Бишкек мэриясынын басма сөз кызматы билдирди.
Маалыматка караганда, алгач 7-кичи районундагы ЮРФА медициналык клиникасында мыйзамсыз орнотулган дубал алынган.
Ошондой эле, түшүндүрүү иштеринен кийин Ынтымак жаңы конушунун Орто жана Стадион көчөлөрүнүн кесилишиндеги күркө алынган.
Мындан сырткары, Тыныстанов жана Москва көчөлөрүнүн кесилишиндеги тиешелүү уруксат документтери жок, мыйзамсыз орнотулган жарнама конструкциясы жана темир тосмо кожоюндары тарабынан алынып салынган.
КОММЕНТАРИЙ КАЛТЫРУУ