Бүгүн, 3-октябрь “жымжырттык күнүңдө” 4-октябрда шайлоо участогуна барып шайлай албаган жарандар бүгүн сырттан добуш беришет. Бул тууралуу БШК маалымдайт.
Маалыматтар боюнча, өлкөдө сырттан добуш берүү боюнча 29 миң 75 адам кайрылган. Бишкекте 6000 кыргызстандык үйдөн добуш берет.
БШК бүгүнкү күндө коронавируска чалдыккандар да добуш берип жатканын, бирок алар оорунун жеңил формасына кабылып үйүндө дарыланып жаткандар экенин баса белгилешти.
“УШКнын өкүлдөрү келгенге чейин шайлоочу беткап жана кол кап кийиши керек. Ал өкүлдөрдү үйүнө киргизе албайт, бюллетенди босогодон бериши керек”, – деп баса белгиледи БШК.
Эртең, 4-октябрда Кыргызстанда Жогорку Кеңешке шайлоо өтөт. Аларга 16 партия катышууда.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ