Фото – Балыкчыда көп кабаттуу үйдүн жер төлөсүндө курулуш буюмдары өрттөнүп, 38 жаштагы аял жабыркады

Балыкчыда бир аял түтүнгө ууланып, шаардык ооруканага жеткирилди. Бул тууралуу бүгүн, 9-октябрда ӨКМдин  басма сөз кызматы билдирди.

Маалыматка караганда, кечээ, 8-октябрь күнү саат 10:09 чамасында Ысык-Көл облусунун Балыкчы шаарындагы Орозбаев көчөсүнүн №39 дарегинде көп кабаттуу үйдүн жер төлөөсүндө 10 чарчы метр курулуш буюмдары жана таштанды күйгөн.

Өрттүн кесепетинен 1 аял киши (1982-жылы туулган) түтүнгө ууланып, шаардык ооруканага жеткирилген. Абалы орто.

Учурда өрттүн себебин такташууда.