“Театралдык” гүл бакчасындагы пианинону сындыргандар жаңысын орнотушту. Бул тууралуу бүгүн, 19-октябрда Бишкек мэриясынын басма сөз кызматы билдирди.
Маалыматка караганда, туура бир ай мурун “Театралдык” гүл бакчасында белгисиз адамдар былтыр шаардыктар үчүн орноткон пианинону сындырып салышкан.
“”Бишкекжашылчарба” МИнин кызматкерлери сындыргандарды изи сууй электе кармап калышкан. Биз укук коргоо органдарына арыз менен кайрылдык. Бир айдан кийин, сындыргандар жаңы пианинону орнотушту, анткени мурдагы пианинону оңдоого жарабай калган. Аспап текшерилип, күүлөнүп, шаардыктарды музыкалык маанай тартуулоого даяр”,- деп айтылат билдирүүдө.
КОММЕНТАРИЙ КАЛТЫРУУ