Дүйнө жүзү 2021-жылы акыркы 75 жылдагы эң ири гуманитардык кризиске туш болуу коркунучунда турат. Бул тууралуу БУУнун Бүткүл Дүйнөлүк азык-түлүк программасынын аткаруучу директору Дэвид Бизли билдирди.
Маалыматка ылайык, Бизли акыркы төрт жылдагы куралдуу кагылышуулардан улам ачарчылыктын алдында турган адамдардын саны 80 миллиондон 135 миллионго чейин көбөйгөнүн билдирди. Бирок пандемиянын кесепетинен алардын саны 270 миллионго жеткен.
“Биз 19 триллион доллар сарптагандыктан, бул акча 2021-жылы болбошу мүмкүн жана болбойт. Экономикалык төмөндөө болуп жатат, муктаждыктар эки эсе көбөйдү”, – деп “РИА Новости” анын сөзүн келтирди.
Бирок, керектүү каражаттарды чогултууга мүмкүнчүлүк түзүлсө, дүйнөлүк коомчулук гуманитардык кризистен чыгат, деди Бизли.
“Дүйнө жүзүндөгү көптөгөн досторума жана лидерлериме айткандай, келерки жылы биз баардыгын каржылай албайбыз. Андыктан биз дестабилдештирүү, ачкачылык жана миграция маселелерин биринчи орунга коюшубуз керек”, – деди ал.
КОММЕНТАРИЙ КАЛТЫРУУ