Кытайдагы Синьцзянь уйгур автомондук районунун Кызыл-Суу кыргыз автономдук облусундагы бир эле Акчий районунан тарбиялоочу лагерлерге 22 миң кыргыз жөнөтүлгөн. Бул тууралуу маалымат жыйында Кытай Эл Республикасындагы кыргыздарды коргоо комитетинин төрагасы Алманбет Осмон уулу билдирген.
Акчийде жалпысынан 40 миң кыргыз жашайт. Алманбет Осмон уулунун айтымында, кыргыздар туткан дининен улам кармалууда. Бирок, алардын арасында динге берилбегендер дагы бар. Мисалы, профессор Мамбеттурсун Мамбетакун жана журналист Нурманбет Осмон.
Коргоо комитетинин өкүлү кармалган кыргыздардын, ошондой эле, буга чейин өлкө башчы Сооронбай Жээнбековдон жардам сурап кайрылгандардын өмүрү коркунучта экенин билдирди. “Биз эркиндиктен ажырап калышыбыз мүмкүн экенин билебиз. Бирок, мындан ары унчукпай отура албайбыз. Кытай Кыргызстандан бизди аларга өткөрүп берүүнү талап кылышы мүмкүн. Бирок, Кыргыз Республикасы ага жол бербейт деп ишенебиз” – деген Алманбет Осмон уулу.
Булак:KyrgyzToday
КОММЕНТАРИЙ КАЛТЫРУУ