Menu

Россиянын Ульяновск облусундагы жол кырсыгынан 14 кыргыз жараны каза болуп, 3 жаран оор жаракат алган

Бөлүшүү:
Кечээ,  21-август күнү Москва убактысы боюнча саат 13:00дө Россиянын Ульяновск облусунун Николаевск районунун Прасковьино жана Новоспасское айылдарынын ортосунда М5 – “Урал” унаа жолунун 808 – 810-чакырымында 2 оор жүк ташуучу унаа жана Самара шаарынан Москва шаарына багыт алып бара жаткан “Mercedes” үлгүсүндөгү жүргүнчү ташуучу унаалардын ортосунда жол кырсыгы катталган. Бул тууралу ӨКМдин басма сөз кызматы билдирет.
Жол кырсыгынын кесепетинен жалпы 16 адам каза болуп, алдын ала маалымат боюнча 14ү Кыргызстандын жараны (тактоо иши жүрүүдө) жана 3 жаран оор жаракат алган. Жабыркаган 3 жаран Ульяновск облусунун Николаевск районунун борбордук ооруканасына, ал эми каза болгондор ушул эле оорукананын өлүк сактоочу жайына жеткирилген.
Жол оңдоо иштери жүрүп жаткан участоктон өтүү үчүн оор жүк ташуучу унаанын артында кезек күтүп турган микроавтобустун артынан дагы бир оор жүк ташуучу машина катуу ылдамдыкта келип сүзүп, микроавтобус эки чоң унаанын ортосунда капшырылып калган.
Учурда Кыргыз Республикасынын Россия Федерациясындагы элчилигинен атайын топ жерине барып, тийиштүү чараларды көрүүдө.
Элчилик тарабынан жогорудагы кырсыкта каза болгон жана жабыркаган Кыргыз Республикасынын жарандарынын жакын туугандары үчүн +7 (926) 861 50 98 ишенимдүү түз байланыш номери уюштурулду.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 1 + 9 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: