КР Маданият министринин орун басары Марат Тагаев Ысык-Көлдөгү төрт пансионат боюнча өз пикирин билдирип, пост жарыялады.
Учурда Өзбекстанга кайрадан колдонууга берилген төрт пансионат боюнча тескери коомдук маанай жаратуу үчүн максаттуу маалымат таратып жаткан адамдарды көрүп, жаканы кармап, тобоо дебеске арга жок.
Сууну сиңген жерге, сөздү уккан жерге айт дейт. Ак кагазды көрсөтсөң кара дей турган ниеттегилерге бир нерсени далилдеп кереги жок дечи. Бирок… саясат менен иши жок эл, өзгөчө жаштар арасында алардын калпына ишенип алгандар чыгышы мүмкүн да.
Кудайга шүгүр, кеменгер элибиз түшүнүктүү, саясий жактан сабаттуу. Ошондуктан элдин колдоосу 91 пайызга чейин жетүүдө.
Ал эми фейсбукта 100гө жетпеген Тилекмат Куреновго окшош люмпендер, Сыргак Абдылдаевге окшош шизофрениктер, акыркы 5-6 жылдан бери эч жерде иштебеген, бир тыйын салык төкпөгөн бекерпоздор, анан мурдагы бийлик учурунда бийликчил гезиттерди иштетип, болгон рекламаны ээлеп жаман көнгөн, азыр жембаштыгы кур калган Назгүл Мамытова, Алмаз Темирбек, Лейла Саралаева сыяктуу журналисттердин тобу бар. Алар пансионаттар боюнча жазып жатышканынан өздөрү уялбаса, мен көрүп туруп унчукпай кое алгыдай эмесмин.
2016-жылы Ислам Каримовдун тушунда кыргыз-өзбек мамилеси начарлап, Унгар-Тоого тик учак кондуруп, десант түшүргөндө кыргыз бийлиги саясий кадам кылып, ички публикага ойноп эле пансионаттарды алды кылып койгонун баарыбыз билебиз. Ошол жылы Өзбекстан Кыргызстанды эл аралык сотко берген.
2016-жылы августта Ислам Каримовдун көзү өткөн. Бир жылдан кийин 2017-жылы ошол эле Атамбаевдин учурунда пансионаттарды кайра берүү чечими кабыл алынган. Өзбекстанга сапары учурунда кайтарып берүү боюнча сөз берилген.
Ошол мезгилде оппозициялык телеканалда иштеп, Атамбаевди сындап турганбыз. Пансионаттарды кайра берип салды деп ызылдап чыккан эмес экенбиз. Анткени учурунда саясий ход болгонун, Мирзиеев келгенден кийин абал өзгөргөнүн билип турганбыз. Ошондо ызылдабаган Канышай Мамыркулова эжеге азыр эмне болуп жатат түшүнбөйсүң.
2017-жылы декабрда премьер-министр Сапар Исаков пансионаттарды кайра берүү токтомду даярдап чыгарган. Аңгыча Атамбаев менен Жээнбеков урушуп кетип, январда ТЭЦте авария болуп, кол коюу жылып кеткен. Ансыз да айласын таппай калган Жээнбеков бул маселени карагысы да келген эмес.
Бирок, Өзбекстан эл аралык сот аркылуу ишин жылдыра берген. Мына быйыл сот чечими чыгып отурат.
Окуянын чынын билбей каршы сүйлөө кечиримдүү, чынын билгенден кийин муюп калуу адамдык жакшы сапат, бирок билип туруп эле бет тырмай берүү – бетпактык.
Экинчиден, кошуна мамлекет менен туугандык, достук мамиле күтүш керекпиз. Биз Европага суктанып, чек арасыз жашоону кыялданабыз, а талап кылганыбыз “суу бербе, пансионаттарын бербе, инвесторлорун киргизбе” деген сөздөр.
Кошуна мамлекеттердин курорттук аймакка инвестиция салып, отелдеринин болушу нормалдуу көрүнүш. Союз мезгилинде эмес, кийин эле 2015-жылы Алмазбек Атамбаев Түркмөнстан президенти Гурбангулы Бердимухамедовго 5 жылдыздуу отель куруу үчүн көлдүн жээгинен жер берүүнү убадалаган. Өзбекстандыкы дагы ошондой эле көрүнүш. Болгону Өзбекстан менен Казакстан Союз учурунда куруп коюшкан экен.
Биз эс тутумдуу коомдук аң сезим калыптандырышыбыз керек.
КОММЕНТАРИЙ КАЛТЫРУУ