КЫЗМАТ-МАНСАП

Хаменеинин 10-майдагы билдирүүсүндө улуттук коопсуздукка коркунуч жараткандар күчтүү соккуга кабыларын эскертти. Иран лидери эгер жарандар президенттик шайлоого мыйзам жана ислам нормаларын сактоо менен катышышса, шайлоо – Ислам Республикасынын сыймыгынын булагы болорун айтты.

“Эгер мыйзам бузулса, душмандарыбыздын чырагына май тамызган ахлаксыз аракеттерге жана сөздөргө жол берилсе, анда шайлоо – жоготуу болот”,-деди Хаменеи.

Иранда аятолла мамлекеттик башкаруу иштеринде акыркы сөзгө ээ.

Иран президенти Хасан Роухани экинчи жолу шайлоого катышмай болду. Шайлоодо ал эки олуттуу атаанаш менен ат салышат. Алардын арасында Хаменеинин колдоосуна ээ өлкөнүн мурдагы башы прокурору Ибрагим Раиси дагы бар.

Булак: “Борбор Азия жаңылыктар кызматы”

Сенаттын юридикалык комитети Орусиянын АКШнын шайлоо кампаниясына кийлигишүүсүн дагы талкуулаган. Бул иликтөөнүн башында буга чейин Жеймс Коми турган.

Дональд Трамп ФБРдин мурдагы башчысына жолдогон катында отставканын себептерин түшүндүрдү. “Иликтөөнүн объектиси эмес экенимди үч жолу кабарлаганыңызга ыраазы болгонум менен ФБРди эффективдүү башкарууга кудуретсиз деген юстиция министрлигинин позициясына макулмун”– деп жазган ал.

Акүй атайын кызматтын жаңы директорун издөө токтоосуз түрдө башталарын билдирди. Коми мекемени 2013-жылдан бери башкарып келген.

Булак: “Борбор Азия жаңылыктар кызматы”

64 жаштагы либерал президенттик кызматка киришип жатып, Корей жарым аралындагы коопсуздук кризисин жөнгө салуу боюнча токтоосуз түрдө иш алып барарын айтты. “Керек болсо Вашингтонго, Бээжинге жана Токиого жөнөйм, эгер шарт болсо Пхеньянга дагы барууга даярмын”– деди ал.

Бийликтеги боштукту толтуруу үчүн Мун Чжэ Ин ири кадрдык өзгөрүүлөрдү тез эле жасай турганы күтүлүүдө.

Кореянын мурдагы президенти Пак Кын Хе коррупциялык жаңжалдан кийин отставкага кетүүгө аргасыз болгон.

Мун Чжэ Ин өлкөнү коррупциялык жаңжалдан сууруп чыгууну убадалап, Түндүк Кореядагы өзөктүк программанын өнүгүшүн токтото албагандыгы үчүн мурдагы администрацияны сындады.

Түштүк Кореяда шайлоочулар 20 жылдан бери алгачкы жолу өтө жигердүүлүгүн көрсөтүштү. Мун 41,1 пайыз добуш топтосо, консерватор талапкер Хон Жунпхёго шайлоочулардын 25,5 пайызы ишенимин билдирди.

Булак: “Борбор Азия жаңылыктар кызматы”

АКШ президенти Дональд Трамп Эммануэль Макронду “ири жеңиши” менен куттуктап, жаңы француз лидери менен биргелешип иштешүүгө даяр экенин билдирди.

Германиянын канцлери Ангела Меркелдин өкүлү Макрондун президенттик шайлоодогу ишенимдүү жеңишин «күчтүү жана бирдиктүү Европанын жеңиши» деп атады.

Эммануэль Макронду президенттик шайлоодогу жеңиши менен Улуу Британиянын премьер-министри Тереза Мэй дагы куттуктады. Британ премьеринин расмий өкүлү Франция Улуу Британиянын жакын союздашы экенин белгилеп, ортодогу приоритеттердин кеңири спектри боюнча кызматташууга үмүт артарын билдирди.

Макрон менен ушул жылдын мартында жолуккан Лондондун мэри Садик Хан «француз эли коркунуч менен бөлүнүп-жарылууну эмес, үмүт менен биримдүүлүктү тандап алганын» билдирди.

Булак: “Борбор Азия жаңылыктар кызматы”

Иса Өмүркулов бул тууралуу 2-майда “Президентти жана Жогорку Кеңеш депутаттарын шайлоо жөнүндө” конституциялык мыйзамга өзгөртүүлөрдү киргизүү тууралуу” мыйзам долбоору боюнча парламенттик угууда билдирди.

“Шайлоо жөнүндө” конституциялык мыйзамды өзгөртүү боюнча атайын жумушчу топ иштеди. Парламенттеги КСДП фракциясынын депутаты, бул мыйзам долбоордун авторлорунун бири Дастан Бекешов парламенттик угууда шайлоонун мөөнөтүн эртелетүү тууралуу сунуш түшкөнүн маалымдады:

– Эгер президенттик шайлоодо экинчи тур болуп калса анда шайлоо жаңы жылга чейин узарып кетет экен. Ошондуктан биз буга чейин белгиленген мөөнөттү алдыга жылдыралы деп жатабыз. Мисалы, Иса Өмүркулов 15-октябрга жылдыруу боюнча сунуш берди. Биз муну карап чыгабыз, силер дагы өз оюңарды айтасыңар. Биз муну комитетте да талкуулайбыз.

Борбордук шайлоо комиссиясы буга чейин президенттик шайлоонун мөөнөтүн 19-ноябрь деп белгилеген. Парламенттеги оппозициячыл азчылыктагы “Ата Мекен” фракциясы болсо шайлоо август айынын этегинде өтүшү керек деп билдирген.

Булак: “Борбор Азия жаңылыктар кызматы”