КРИМИНАЛДЫК ХРОНИКА ЖАНА ОКУЯЛАР

Ал Донбасстагы жаңжалда куралсыз туткундарды өлтүрүүгө шектелүүдө. Австриянын АРА агенттиги шектүү Украинанын куралуу күчтөрүнүн катарында согушканын билдирүүдө. Австрия жаранына киши өлтүрүү боюнча сыртынан айып тагылды.

Буга чейин Австрия аты аталбаган 25 жаштагы кишини кармоо боюнча жалпы европалык ордер берген. Эми Польша соту аны мекенине өткөрүп берүү боюнча маселени карашы керек.

Булак: “Борбор Азия жаңылыктар кызматы”

Маалыматтарга караганда, жигит жүргүнчү терминалына кирүү учурунда багаж менен шектүү буюм алып өтүп, коопсуздук кызматкерлеринин көңүлүн бурган. “Аны текшеришти, жеке буюмдарынын арасынан банкага толтурулган ок-дары жана ондогон патрондор табылды”,- деди агенттиктин маектеши.

Мыйзам бузган жаран кинолог менен атайын үйрөтүлгөн иттердин жардамы аркылуу аныкталган.

Орусияда бул факт боюнча курал-жаракты мыйзамсыз алып жүрүү, сактоо жана сатуу беренеси боюнча кылмыш иши козголду.

Булак: “Борбор Азия жаңылыктар кызматы”

Ош облустук соту 1-мартта Ирак жарандары – 76 жаштагы Бухари Кози Мансурду төрт жарым жылга, Абдал Халил Юнус, Данха Нур Анвер Лазар жана Данха Домян Анвер Лазарды беш жылдан эркинен ажыраткан. Соттолгондор буга макул болбой Жогорку Сотко апелляциялык арыз жазган.

Алар былтыр октябрда Ош аэропортунан жасалма паспорт менен кармалган. УКМК “жасалма документ менен мамлекеттик чек араны мыйзамсыз кесип өтүү” деген негизде кылмыш ишин козгоп, алгач Ош шаардык соту чет элдиктерге 10 миң сомдон айыппул салып бошотуу өкүмүн чыгарган. Бирок мамлекеттик айыптоочулар арызданып, натыйжада облустук сот аларды абакка кескен. Азыр ирактык үч жигит Ош шаардык тергөө абагында, ал эми Кози Мансур Бухари Жалал-Абад шаарындагы аялдар колониясында жатат.

Алардын Германияда жашаган жакындары кыргыз бийлигине кайрылып, туугандарын бошотуп, өлкөдөн чыгып кетүүгө уруксат берүүнү өтүнүп жатышат.

Булак: “Борбор Азия жаңылыктар кызматы”

Сот отурумуна журналисттер киргизилген жок.

Мамай 10-февралдан бери камакта. Ал гезиттин редакциясы аркылуу мурдагы банкир Мухтар Аблязов тарабынан уурдалган делген БТА банктагы акчаларды адалдаштырууга айыпталууда. Бирок алар экөө тең бул айыптарды четке кагып, кылмыш иши саясий негизде козголгонун айтып келишет.

Буга чейин бир катар эл аралык укук коргоо уюмдары Жанболат Мамайды тез арада бошотуу чакырыгы менен Казакстан өкмөтүнө кайрылышкан.

Булак: “Борбор Азия жаңылыктар кызматы”

19-апрелде Киевдин Песерский райондук соту Абдуллаевдин камактагы мөөнөтүн дагы эки айга узартуу тууралуу Киев шаардык прокуратурасынын өтүнүчүн канааттандырган эмес. Анда судья прокуратуранын жүйөдалилдерин негизсиз деп таап, анын адвокаттарынын пайдасына чечим чыгарган.

Токтомго ылайык, эми Абдуллаев 19-июнга чейин адвокаты ижарага алган Киевдин четиндеги Козин айылында жайгашкан үйдө үй камагында болот. Ал 24 саат бою электрондук билерик менен жүрөт жана анын кыймыл-аракетине укук коргоо органдарынын кызматкерлери көз салып турушат.

Маалыматка караганда, учурда Акбарали Абдуллаев кармалып турган Козин айылы Форт Росс же «Киев рублевкасы» деп аталат. Жөнөкөй адам ал жакка жакындай албайт – аны суткасына 24 саат бою жеке күзөт компаниясынын кызматкерлери кайтарышат. Ал айылда Порошенконун дагы вилласы жайгашкан.

Ал ортодо Акбарали Абдуллаевдин жергиликтүү жана батыш адвокаттары анын Ташкентке экстрадицияланышына жол бербөө максатында ага качкын макамын берүү өтүнүчү менен Украинанын миграция кызматына кайрылышты.

33 жаштагы Абдуллаев маркум өзбек президенти Ислам Каримовдун жесиринин жээни. Ал ушул жылдын 14-январында Киевдин эл аралык аэропортунда кармалган. Расмий Ташкент аны каржылык алдамчылыкка жана акча уурдоого айыптоодо.

Булак: “Борбор Азия жаңылыктар кызматы”

Түркия ММКларынын маалыматы боюнча окуя 25-апрель кечинде болгон. Жыйырма жаштагы кыз үй-бүлөсүндөгү көйгөйлөрдөн улам өз жанын кыюуга аракет кылган.

Маалымдалгандай, анын көпүрөдө турганын көргөн жергиликтүү тургундар полицияны жана тез жардам кызматын чакырышкан. Бирок полиция менен медиктер жетишпей, кыз көпүрөдөн секирип кеткен. Кийин ал өзгөчө кырдаалдар кызматы тарабынан чыгарылып, ооруканага жеткирилген.

Оорукана кызматкерлери билдиришкендей, учурда Түркмөнстан жаранынын абалы канааттандыраарлык. Окуяга байланыштуу жергиликтүү полиция тергөө иштерин баштады.

Булак: “Борбор Азия жаңылыктар кызматы”

Кол салуудан кийин оппозиционер ооруканага жеткирилди – зеленка анын көзүнө кирип кеткен. Ага «оң көзү химиялык күйүк алган» деген диагноз коюлду.

«Учурда анын көзү көрүп, бирок ооруп жатат. Азырынча мунун эмнеге алып келе тургандыгы түшүнүксүз. Полиция арызыбызды кабыл алды, бирок видеокөзөмөл камераларындагы жазууларды алууга ашыгышкан жок. Биз кылмыш ишинин козголушун жана тергөөнү талап кылабыз», – деп билдирди Навальныйдын шайлоо алдындагы штабынын башчысы Леонид Волков.

​Мартта Барнаулда Навальныйдын шайлоо алдындагы штабынын ачылышы болуп жатканда дагы ага зеленка чачып кетишкен. Анда сол салууга карабастан саясатчы тарапташтарынын алдына чыгып сүйлөгөн.

Алексей Навальный 2018-жылы президенттик шайлоого катышууга ниеттенүүдө. Анын талапкерлигин 400 миңден ашык орусиялык колдоду. Бүгүнкү күнгө карата өлкө боюнча жалпысынан саясатынын 25 шайлоо алдындагы штабдары ачылды.

Мартта Навальный тарабынан негизделген Коррупцияга каршы күрөшүү фонду өкмөт башчы Дмитрий Медведевдин декларацияда көрсөтүлбөгөн кыймылсыз мүлктөрү тууралуу иликтөөсүн жарыялаган. Андан сон Орусиянын бардык аймактарында жемкорлукка каршы нааразылык акциялары өткөн.

Булак: “Борбор Азия жаңылыктар кызматы”

Тергөөнун маалыматына караганда, 27 жаштагы Умедджон Хасанов 2016-жылы 20-октябрда ооган-тажик чек арасында өлтүрүлгөн. Ал чек арада болгону 13 күн кызмат өтөгөн. Убагында прапорщик ооган аткезчилери менен болгон атышууда өлгөнү кабарланган.

Бул версияга анын атасы дагы ынанып, бирок кийинчерээк шек пайда болгон. Маркумдун атасы Хикмат Хасанов окуяны кылдат териштирүү өтүнүчү менен Башкы прокуратурага, кийин аскер прокуратурасына кайрылган. Иликтөөлөрдүн натыйжасында аны чогуу кызмат өтөгөн шериги Алишери Абдукодир 11 жолу атып өлтүргөнү аныкталган. Тергөөчүлөрдүн айтымында, ооган аткезчилери менен атышуу түнчүндө болгон, андан соң Алишери Абдукодирдин автоматынан чыккан ок Умедджонго тийгени аныкталган.

Соттолгон прапорщик Алишери Абдукодирдин туугандары ал шеригине кокустан ок чыгарып алганын билдиришүүдө. Бирок маркумдун туугандары өкүмгө канааттанган жок жана жогорку инстанцияга кайрыларын айтышты.

Булак: “Борбор Азия жаңылыктар кызматы”

27-апрелдеги алгачкы отурум жабык өттү. Кийинки угуулар адвокаттардын талабы менен 1-майга жылдырылды.

Сотко жөнөтүлгөн документтерге ылайык, министрлик Башкы прокуратуранын буйругунун негизинде 27-апрелден тарта сайттарды жабат. Мекеме «Азаттык» радиосунун азери кызматынын жана башка ММКлардын сайттары улуттук коопсуздукка коркунуч жаратарын билдирүүдө.

Эркин Европа/Азаттык радиосунун президенти Томас Кент министрликтин мындай кадамын «көз карандысыз басылмаларды коркутууга багытталган цензура аракети» деп атап, «негизги укуктар менен эл аралык конвенцияларды жек көрүүдөн башка эч нерсени көрбөй жатканын» билдирди.

Булак: “Борбор Азия жаңылыктар кызматы”

– 26-апрелге караган түнү мага белгисиз адамдар кол салышты, алар мени башка жана бетке койгулашты. Мен Фергана шаардык “Тез жардам” кызматына чалууга аргасыз болдум. Дарыгерлер окуя болгон жерге милиция чакырышты. Учурда укук коргоо органдарынын кызматкерлери иликтөө иштерин жүргүзүшүүдө. Кол салуу – менин кесиптик ишиме байланыштуу го деп ойлойм, – деди Исмаил Маллабаев.

26-апрелде Өзбекстан президенти Шавкат Мирзиёев Фергана өрөөнүнө келмек.

Ферганадагы укук коргоо уюмунун активисти Исмаил Маллабаевге элдин үнүн президент Мирзиёевге жеткирүү жоопкерчилиги жүктөлгөн. Жергиликтүү тургундар электр жана газ менен камсыз кылуу кызматтарынын ишине, андан тышкары башка коммуналдык тейлөөлөрдүн начардыгына нааразы.

Кол салууга кабылганына карабай, активист президент менен жолугуу үчүн шаардык “Элдик кабылдама” бөлүмүнө барган. Бирок президент келген эмес. Чогулган элди башка жетекчилер кабыл алышкан.

​

Булак: “Борбор Азия жаңылыктар кызматы”