Эмгек мигранттары

“Биз жумуш менен камсыз кылуу, Орусиянын аймагына кирүү үчүн керектүү жол-жоболордон өтүү үчүн кыргыз тараптын көмөгү менен Кыргызстанда Орусиянын миграциялык борборун ачуунун максаттуулугун карап көрүүнү өтүнөбүз”,-деди Мамытов.

Жогорку Кеңештин басма сөз кызматы Вячеслав Володин бул сунушту оң кабыл алганын жана сунуш орус өкмөтүнө жөнөтүлөт деп айтканын белгиледи.

Орус парламентинин басма сөз кызматы Володин менен Мамытов алака-катышты өнүктүрүү жолдорун, тиешелүү комитеттердин өз ара кызматташуусу өңдүү маселелерди талкуулаганын кабарлады.

“Ошону менен катар тараптар миграциялык саясатты, тактап айтканда, эмгек мигранттарын колдоо, Кыргызстанда орус тилин окутуу маселелерин, экономикалык жана гуманитардык байланышты талкуулашты. Талант Мамытов Вячеслав Володинди Кыргызстанга расмий сапар менен келип кетүүгө чакырды”, – деп айтылат маалыматта.

Мунун алдында Кыргызстан Орусияга жаңы миграциялык эрежелерине байланыштуу нота жөнөткөн. Анда Бишкек Евразия экономикалык биримдигине (ЕАЭБ) мүчө мамлекеттердин жарандары үчүн өзүнчө коридор ачып берүүнү өтүнгөн.

Былтыр жыл аягында Орусияда миграциялык мыйзамдарын өзгөрткөн. Ага ылайык, мындан ары чет элдиктер, анын ичинде Кыргызстандын жарандары жугуштуу оорусу бар-жогуна текшерилип, бармак издерин тапшырып, сүрөткө түшүп, каттоого турушу зарыл. Ушундан улам айрыкча Москвада каттоого турууга келгендердин узун кезеги пайда болгон.

Бул маселе Жогорку Кеңеште дагы көтөрүлгөн жана анда депутаттар Орусиядагы мигранттарга коюлган жаңы талаптар аларга кошумча түйшүк жаратып жатканын айтышкан.

Кыргызстандын Евразия экономикалык комиссиясындагы (ЕАЭК) өкүлдөрүнүн бири Алтынай Өмүрбекова Орусияда иштеген мигранттарын чектеген мыйзамды кайра карап чыгуу сунушу берилгенин билдирген.

ЕАЭБге Кыргызстандан тышкары Армения, Беларус, Казакстан жана Орусия мүчө. Бул уюм ортодогу бажы тоскоолдуктарын жоюу, элди жана товарларды эркин өткөрүү максатында уюшулган.

Мындай эреже Орусиянын Ханты-Мантийск автоном облусунда, Тюмень жана Калуга облустарында киргизилген. Бул аймактарда чет өлкөлүк жарандарды соода, коомдук транспорт жана тамактануучу жайларга жумушка алууга тыюу салынат.

ТИМдин маалыматына караганда, аталган аймактардагы бул чектөөлөдүн Кыргызстандын жарандарына тиешеси жок. “ЕАЭБ тууралуу келишимдин 97-беренесинин 2-бөлүгүнө ылайык, “уюмга мүчө өлкөлөр бул макулдашууда белгиленген башка учурларда улуттук эмгек базарын коргоо үчүн чектөөлөрдү киргизе алышпайт”, — деп жазылган мекеменин билдирүүсүндө.

Ошол эле маалда элчилик эгер аталган аймактардагы жумуш берүүчүлөр Кыргызстандын жарандарын ишке алуудан баш тартса, жазуу турүндө [email protected] электрондук дареги боюнча кайрылууга чакырды.

Күн мурун Жогорку Кеңештин депутаттары Кыргызстан ЕАЭБге мүчө болгону менен кыргыз жарандарынын Орусиядагы укуктары корголбогонун айтып, Орусиядагы эмгек мигранттарына карата талаптардын катаалдатылганын сынга алышкан.

Жаңы жылдан тартып Орусия миграциялык мыйзамдарды катаалдаштырган. Жаңы талаптарга ылайык, эми мигранттар 3-4 ай сайын баасы 5-6 миң рублдик медициналык кароодон өтүп турушу керек болот. Мындан тышкары Орусияга иштегени барган чет өлкөлүктөр, анын ичинде Кыргызстандын жарандары 30 күндүн ичинде мамлекеттик дактилоскопиялык каттоодон өтүп, сүрөткө түшүүгө милдеттүү болушат.

Тиешелүү өзгөртүүлөрдү өлкөнүн Административдик укук бузуулар тууралуу кодексине киргизүү сунушталууда. Мекемеден чет өлкөлүк жарандар үчүн тек-жайын күбөлөндүрүүчү электрондук күбөлүктөрдү киргизүү да пландалып жатканын билдиришти.

2021-жылдын 29-декабрынан тартып Орусияга иштегени барган чет өлкөлүктөрдү, анын ичинде кыргызстандыктарды 30 күндүн ичинде медициналык текшерүүдөн, ошондой эле манжа изин каттоо жана сүрөткө тартуу жол-жобосунан өтүүгө милдеттендирген жаңы эрежелер күчүнө кирген.

Декабрдын ортосунда Орусия ИИМи Москвадагы жапырт мушташка катышкан 400 мигрантты депортациялаган. Алардын Орусияга кирүүсүнө 40 жылга тыюу салынган.

Орусия ИИМинин Качкындар маселелери боюнча бөлүмүнүн башчысы Татьяна Дмитриеванын айтымында, Москвада миллионго жакын мигрант бар. Жалпысынан 2021-жылдын аягына карата Орусиянын шаарларында жети миллионго жакын чет өлкөлүк жашаган.

Маалыматка караганда, мунапыс Орусиядан соттун чечими менен депортацияланган өзбек жарандарына тиешелүү болбойт.

Буга чейин Орусиянын бийлиги чет өлкөлүк жумушчулар жетишсиз болуп жатканын бир нече жолу билдирген. Москванын вице-мэри Владимир Ефимов шаарда 200 миң эмгек мигранты жетишсиз болуп жатканын айтса, калаа башчысы Сергей Собянин мигранттардын кетиши инфляциянын өсүшүнө таасир эткенин билдирген. Өкмөттүн вице-премьери Марат Хуснуллин жакынкы эки жылдын ичинде Орусиядагы курулуш иштерине гана 5 миллион эмгек мигрантын тартуу керек экенин айткан.

Күн мурун Орусиянын Мигранттар федерациясынын президенти Вадим Коженов Орусия Өзбекстан менен Тажикстандан 150 миңден жаранына “миграциялык мунапыс” жарыялаганын кабарлаган. Анын айтымында, бул чечим өлкөдөн Ички иштер министрлигинин (ИИМ) чечими менен чыгарылган жарандар үчүн гана тиешелүү болот.

“Известия” басылмасы ИИМге шилтеме кылып, 2021-жылдын биринчи кварталында Орусиядан 1345 чет өлкөлүк депортацияланганын маалымдаган. Өткөн жылдын алгачкы кварталында бул көрсөткүч 1139 кишини түзгөн.

Орусия коронавирус пандемиясына байланыштуу 2020-жылы мартта мигранттардын өлкөгө кирүүсүнө тыюу салган. Быйыл март айында кызматкерлери 250 кишиден ашкан жана кирешеси 2,5 миллиард рублдан кем эмес компанияларга чет өлкөлөрдөн жумушчуларды алып келүүгө уруксат берилген.

Май айында Өзбекстан менен Тажикстандан жумушчуларды тартууга киргизилген чектөөлөр толук алынган, бирок бул да жардам берген эмес, анткени бүгүнкү күнгө чейин аларды аба транспорту менен гана алып келүүгө мүмкүн.