1948-жылы ООН тарабынан кабыл алынган «Адам укуктарынын жалпы декларациясынын» негизинде адамдардын жеке сүйлөшүүсү, өз ара пикир алышуусу купуя сыр катары саналат.
Аларды эч ким жашыруун жаздырып алууга жана ачыкка чыгарып коомчулук жар салууга акысы жок. Мындай аракет эл аралык келишимдерди, адам укугу боюнча эл аралык нормаларды одоно бузгандык болуп саналат. Кыргыз Республикасынын Конституциясында да адамдардын ортосундагы купуя сыр жашыруун сакталышы тууралуу ачык жазылган.
Ал эми Кыргыз Республикасынын коопсуздук боюнча мамлекеттик комитети жогорудагыдай эл аралык келишимдерди, Кыргыз Республикасынын Конституциясынын беренелерин одоно бузуп, оппозициялык лидерлердин ортосундагы өз ара сүйлөшүулөрдү жаздырып алып эч кандай ийменбестен коомчулукка жар салды. УКМК мына ушундай аракети менен адам укуктарын одоно бузуп, Кыргыз Республикасынын жарандарынын ички ишине кийлигишип, алардын купуя сырларын ачып, кылмыш иш кылууга батынды.
УКМКнын мына ушундай МЫЙЗАМСЫЗ АРАКЕТИНИН НЕГИЗИНДЕ ОППОЗИЦИЯ ӨКҮЛӨРҮ Бектур Асанов менен Кубанычбек Кадыров кармалып жана Эрнест Карыбеков камалып эки айга эркиндигинен ажыратылды.
Мындай аракеттери үчүн Башкы Прокуратура УКМКнын жетекчилигинин жана кызматкерлеринин үстүнөн кылмыш иш козгоп тиешелүү тергөө иштерин баштоосу керек эле.
Тилекке каршы, Башкы Прокуратура тарабынан азырынча мындай аракеттерди байкай элекпиз.
Кыргыз Республикасынын Президенти жалпы элдин атасы катары КЫРГЫЗ ЖАРАНДАРЫНА КАРАТА УКМКнын МЫНДАЙ ЧЕКТЕН ЧЫККАН АРАКЕТИНЕ, Эл аралык келишимдерди одоно бузгандыгына так БАА БЕРИП, аларга КАРАТА ТИЕШЕЛҮҮ чара көрүш керек эле.
Кыргыз Республикасынын Акыйкатчы институту да Улуттук коопсуздук комитети тарабынан одоно укук бузууга жол берилип жатса да ушул убакка чейин унчугуп койгон жок.
Турсунбек Акун, экс-Акыйкатчы
КОММЕНТАРИЙ КАЛТЫРУУ