Токтогул суу сактагычында учурда суунун көлөмү 17 миллиард 356 миллион куб метрди түзөт. Ушундай эле көлөм мындан төрт жыл мурун – 2012 жылы катталган. Эгер 2010-жылы бул көрсөткүч 19,51 миллиард куб метрди түзсө, 2011-жылы 19,54кө жеткен. 2013-жылы төмөндөп, 15,92 болсо, 2014-жылы – 11,92, ал эми былтыр 13,01 миллиард куб метрди түзгөн. Демек бүгүнкү күндөгү суунун деңгээли былтыркыга салыштырмалуу 4 миллиард 446 миллион куб метрге көп. Акыркы маалыматтар боюнча суунун агып кирүүсү секундасына 360 куб метрди түзсө, чыгуусу 204 куб метрге жетет. Суунун көлөмү көбөйүп коомчулукту кубандырганы менен акыркы жылдары Кыргызстанда электр энергияны пайдалануу көлөмү да көбөйдү. Эгер электр энергияны туура пайдаланып, ашыкча жүк келтирбей үнөмдөөнү үйрөнсөк кыштан аман-эсен чыгаарбыз бышык.
Булак: Фабула
КОММЕНТАРИЙ КАЛТЫРУУ