Ооганстан бийлиги маалымдагандай, өлкөнүн түштүгүндөгү Кандагар провинциясында 10-январь кечке жуук болгон жардыруудан беш киши мерт кетип, 14 адам жарадар болду. Жарадарлардын арасында аймактын губернатору жана Бириккен Араб Эмирлигинин элчиси да бар.
Жергиликтүү бийликтин маалымат катчысы Сами Хпалвактын айтышынча, жардыруу губернатор Гамаюн Азизи Бириккен Араб Эмирлигинин элчиси менен жолугушуп жаткан маалда, борбордогу конок үйлөрдүн биринде болгон. Бул маалыматты Бириккен Араб Эмирлигинин Тышкы иштер министрлиги да ырастады.
Бириккен Араб Эмирлигинин аскерлери 2001-жылы талиптердин режими кулагандан кийин Ооганстанга киргизилген. Азырынча кол салуу үчүн жоопкерчиликти эч ким өзүнө ала элек. Мындан бир нече саат мурда Кабулдагы парламент имаратынын жанында эки жардыруу болгон. Анда ондогон адамдар каза болуп, жаркаттарды алышкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ