31- март күнү эртең мененки саат тогуз жарымдар чамасында Бишкектеги Коммунаров көчөсүндөгү үйлөрдүн биринен эки аялдын бычакталганы тууралуу милицияга кайрылуу түшкөн. Окуя болгон жерге тартип сакчылары жетип барса, 40-45 жаштардагы азият улутундагы киши колуна бычак алып аялын жана 80 жаштагы жеңесин сайып салган. Жеңесинин жараты оор болгон. Милициялар дароо тез жардам чакыртып, жараат алган аялдарды ооруканага жөнөтүшкөн. Бычакташкан үй-бүлөнүн 24 жаштагы уулу, 12 жаштагы кызы болгон. Үй-бүлөлүк чырдан улам, күйөөсү а дегенде жеңесин жана андан соң аялын бычактаган. Учурда күнөөлүү жаран камалып, тергөө амалдары жүрүп жатканы маалым болду.
Булак: “Фабула”
КОММЕНТАРИЙ КАЛТЫРУУ