КСДП партиясынын саясий кеңеши Жылдыз Мусабекова менен кабарчы Үпөл Анаркулованын араздашуусун талкуулап, экөөсүнүн телефондук сүйлөшүүсү соц-дем партиясына көлөкө түшүргөнүн белгилегени ачыкка чыкты. Бирок, соттук териштирүү жүрүп жаткандыгына байланыштуу партиянын жоопкерчилиги жыйынтык чыккандан кийин каралат деген чечимге келишиптир. Депутат эжекебиз болсо интернетке тараган аудио бурмаланып кеткенин сотто далилдеп берээрин убада кылууда. Негизи, аталган окуяны ырбатпай, шайлоонун алдында ынтымак менен чечип алышса болмок дегендер бар. Анткени, ызы-чуу экөөсүнө тең аброй алып келбейт. Андыктан маселени акыл менен чечип, алдыга карай кетишибиз шарт. Өзгөчө азыркы кырдаалда бизге тынчтык зарыл экенин баарыбыз эң жакшы туюп турабыз.
Булак: “Де-Факто”
КОММЕНТАРИЙ КАЛТЫРУУ