Бирдиктүү пенсиялык фонддогу жемкорлук тууралуу иш иликтенип бүтүп, сотко жөнөтүлдү. Фонддун мурдагы төрагасы Руслан Ерденаев, анын орун басары Дабыр Медетбеков жана эки жеке кен казуу компаниясынын кызматкерлери коррупцияга шектелип жыл башында кармалышкан.
Тергөөнүн версиясы боюнча, фонддун кызмат адамдары «Бузгул Аурум» компаниясынын баалуу кагаздарын сатып алуу боюнча келишим түзүү үчүн анын жетекчилеринен ири өлчөмдөгү пара алышкан. Мындан улам мамлекет беш миллиард теңге чыгымга учураган. Иликтөө материалдарына ылайык, мурдараак Тобокелдиктер департаменти фондго «Бузгул Аурумдун» баалуу кагаздарын сатып албоону сунуштаган.
Бирдиктүү пенсиялык фондго иштеп жаткан казакстандыктардын милдеттүү пенсиялык төлөмдөрү түшүп турат. Фонддун жеке активдерин инвестициялоону текшерүү иштери 2016-жылы 21-декабрда башталган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ