Ички иштер министрлигинин кызматкерлери мыйзамсыз миграция уюштуруу фактысын аныкташты. Маалым болгондой, ИИМдин кызматкерлери 17-январь күнү пакистандык 29 жаштагы жаран Кыргызстандын аймагында 3 айдан ашык убакыттан бери мыйзамсыз жүргөнүн аныкташкан. Аны суракка алышканда, ал үч ай мурун Хизар аттуу пакистандык таанышы аны Бишкектеги жогорку окуу жайларынын бирине окууга өткөрөм деп алдап алып келгенин, келээри менен аны аэропорттон тосуп алып 2 миң долларын алып, ошол боюнча көздөн кайым болгонун айтып берген. Милициялар окуя менен таанышкан соң Хизарга издөө салышкан. Көп өтпөй ал шылуун Бишкектен кармалган. Ал 25 жашта экен. Улуту, жарандыгы Пакистан экендиги аныкталган. Учурда ал 2 айга тергөө абагына киргизилип сурак берип жатканы белгилүү болду. Кыргызстанга келип алып кутурган немени аёосуз жазалоо керек.
Булак: Фабула
КОММЕНТАРИЙ КАЛТЫРУУ