Араван районунун Мамкаттоо кызматынын жетекчиси өзүнө 3,5 гектар жерди мыйзамсыз ыйгарып алганы боюнча кылмыш иши козголду

КР Мамкаттонун Кадастр жана кыймылсыз мүлк укуктарын каттоо департаментинин Араван району боюнча башкармалыгынын башчысы А. Раимбердиевге карата 2018-жылдын 16-апрель күнү Улуттук Коопсуздук Кызматынын Ош облустук башкармалыгы тарабынан катталган иш боюнча Ош облустук прокуратурасы иш козгогон. 2017-жылы октябрь айында аталган башкармалыктын кызматкерлери түздөн-түз башчысы А.Раимбердиевдин көрсөтмөсү менен Араван районун  Төбө-Коргон айыл өкмөтүнүн аймагынан 3,5 га жер тилкесин алууга  мыйзамсыз түрдө өзүнө кызматтык абалынан кыянаттык пайдалануу менен чечим чыгартып алган. Ошонун негизинде прокуратура КР КЖК 304-беренесинин 2- бөл., 315-берен. 2 бөл., 305-2 беренелери менен кылмыш иши козгогон.