Бүгүн, 10-октябрда журналист Дайырбек Орунбеков өзүнүн фейсбуктагы баракчасында бозгунда жүргөн саясатчы Мелис Мырзакматовдун жаңы сүрөтүн жарыялады. Ал сүрөттө Мелис Мырзакматов арыктап, спорттук формага келгени көрүнүп турат . Дайырбек Орунбековдун айттымында Мелис Мырзакматов 2 жылдан бери салмак таштоо үчун сууда сүзүп, спорттук машыгуулар менен алектенип жүрөт.
“Мелис аке 2 жылдан бери сууда сүзүп, машыгып жатканы тууралуу мен кабардармын. Анын ашыкча салмактан арылышы – кусалык же кыйналганына байланыштуу эмес. Машыгуунун жыйынтыгы. Айрым достор “куса болуп, казы-карта жебей арыктаган тура”, -дешүүдө. Андай пикирлер тамактан башка баалуулугу жоктордун ой жүгүртүүсү. Мурда семиздер мода болсо, азыр арыктар мода болуп калган. Жашабай жатып, курсагына тогуз айлык бала байлап алгандай жигиттерге мотивация бериптир, азаматсыз өкүл ата!”, – деп жазат Дайырбек Орунбеков.
Батма Иманбекова
Булак: Кyrgyztoday.кg
КОММЕНТАРИЙ КАЛТЫРУУ