Калифорниядагы эс алуучу жайда 7-ноябрь күнү болгон атышуудан 13 адам каза болду. Бул тууралуу чет элдик маалымат каражаттары аймактык полициянын шерифи Джефф Динге шилтеме берүү менен жазып чыкты.
Каза болгондордун арасында жергиликтүү полициянын сержанты да бар.
Анын айтымында каза болгон сержант Рон Хилус көп жылдардан бери департаментте иштеп келген. Сержантты аткан киши да каза болгон. Азырынча ал өзүн өзү атканы же башка бирөө өлтүргөнү белгисиз. Окуя болгон жерден табылган тапанча да кимге таандык экени белгисиз.
Атышуу болгон учурда “Borderline” эс алуу жайында студенттик кече өтүп жаткан. Ичинде 100гө жакын адамы бар эс алуу жайына куралданган белгисиз адам кирип келип 30 ирет ок чыгарган. Кырсыктан 13 адам каза болуп 12 адам жаркат алган.
Бирок полиция муну терракт эмес деп атоодо.
КОММЕНТАРИЙ КАЛТЫРУУ