Жогорку Кеңештеги “Кыргызстан” фракциясынын депутаты Канатбек Исаев “Экс-президент Алмазбек Атамбаев учурунда парламентке басым жасап, депутаттарды баш ийдирип алууга аракет жасаган” – деп түшүнөн чочугансып билдирүү жасап, “жоо кеткенден кийин кылычыңды бокко чап” болду. Төө кыядан өткөн соң эми эрдемсип “минткен, тигинткен” дебестен, ушул сөзүн эр болсо учурунда айтса жарашмак. Ушак айткан катындай болуп түштөн кийин артынан сүйлөбөй. Оюнда чындыкты айттым деп жатат көрүнөт. Убагында “сөз атасын өлтүрбөй” айтыш керек болчу. Эми башың менен жер сүзсөң да, айтканың акыйкат болгон күндө да суу кечпейт.
Булак: «Фабула»
КОММЕНТАРИЙ КАЛТЫРУУ