Акыркы жылдары «Замандаш» партиясынын лидери Жеңиш Молдокматов мамлекеттик ЖМКлардан түшпөй калганы баарыбызга эле белгилүү. Омоктуу ой айтып аткандай берилип алып сүйлөйт. Көрсө, артындагы тирөөчү күчтүү болуп, бийликтин маалыматтык ресурсун каалагандай пайдаланууга мүмкүнчүлүк алыптыр. Тилекке каршы, Молдокматов канчалык интервьюларды берсе да, анчалык коошпой, жасалма түрдөгү саясатчыдай көрүнүп, кимдир бирөөнүн трибунасындай сезилгени, коомчулукка жугумуда болбогонун кайда жашырабыз?
Ал эми «Замандаштын» нукура лидери Мухтар Өмүракунов коммерциядан көтөрүлүп, өз күчү менен телчигип, мигранттардын укугун коргоодо да үлкөн иштерди жаратып, саясатта болсо өз ордун таап, баралына жаңы гана келгенде кырсык басып, көзү өтүп кеткен. Аттиң! Мындайча айтканда, Өмүракунов карандай эмгеги менен саясатка аттанган… А азыр Молдокматовду бийлик колдобой койсунчу, чечмелетпей эле түшүнүп алгыла да…
Акын Бекчороев
Булак: «Азия ньюс»
КОММЕНТАРИЙ КАЛТЫРУУ