Бүгүн, 6-декабрда Бажы кызматынын төрагасынын мурунку орун басары Райым Матраимов УКМКга суракка келип, саат 18:15те чыкты. Ага учкай суроо берип, жооп алып калдык. Учурда сөз болуп жаткан 700 миллион доллар жөнүндө суроого ал 700 миллион доллар эмес, 7 тыйынга тиешеси жок экендигин жана Стамбулда киши колдуу болгон Айэркен Саймаити тааныбасын айтты. Ошондой эле ал сурак бүткөнчө Кыргызстандан эч жакка кетпесин жана ага жалган жалаа жаап тараткан, анын аброюна шек келтирген журналист Али Токтакунов менен экс-депутат Ширин Айтматованы сотко бергенин билдирди.
Эске сала кетсек, Райым Матраимов УКМКга күбө катары суракка 29-ноябрда чакырылган. Журналисттик иликтөөдө жарыяланган баардык жагдайлар боюнча суралаарын УКМК билдирген.
КОММЕНТАРИЙ КАЛТЫРУУ