Токмок РИИБинин кызматкерлери эки жашы жете элек балдарды тоноп кеткен шектүүнүн жүргөн жерин аныкташты. Бул тууралуу Чүй ОИИБнын басма сөз кызматы билдирди.
Маалыматтарга ылайык, 18-мартта милицияга жергиликтүү эки тургун кайрылган. Алар 20-22 жаштагы азиат түспөлүндөгү жигит жашы жете элек балдарынан телефондорун тартып алгандыгын билдиришкен.
Милиция кызматкерлери шектүү 20 жаштагы А.М. экендигин аныкташкан. Кийин белгилүү болгондой, жаш алдарга кол салган адамды аныктоо учурунда, ал баш калаада ушул сыяктуу кылмыштарды жасагандыгы үчүн Бишкектеги СИЗО-1дин камагында отурган.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ