Баткен областына караштуу Баткен райондук хатибиятында Кыргызстан мусулмандарынын дин башкармалыгы тарабынан аталган районго келген 808 даана Ыйык Куран китеби айыл аймактагы имамдарына тапшырылып, ар бир мечитке таратылып берилмекчи. Бул тууралуу бүгүн, 28-сентябрда Кыргызстан мусулмандар дин башкармалыгынын басма сөз кызматы билдирди.
Ошону менен бирге баш имам хатиб Муса ажы Жолдошов каттоодон өтө элек мечиттерди тездетүү, имамдардын шайлоо өнөктүгүнө байланыштуу үгүт иштерине аралашпоосун эскертти.
“Сауд Араб Падышачылыгы өлкөсүнүн бизге берген баалуу белеги бизге аманат. Андыктан бул китептерге жоопкерчилик менен мамиле жасайлы. Ыйык Куран сооптору китепти белекке берген мусулман боордошторубузга жетип туруусун Жараткан Алла Таала кабыл кылсын”,- деди баш имам хатиб.
КОММЕНТАРИЙ КАЛТЫРУУ