2020-жылдын 9 ай ичинде Нарын облусу боюнча өрт кырсыгы өткөн жылга салыштырмалуу 8,9 пайызга азайган. Бул тууралуу бүгүн, 1-октябрда КР ӨКМдин басма сөз кызматы билдирди.
Маалыматка караганда, 2020-жылдын 9 ай ичинде Нарын облусунун аймагында 71 өрт кырсыгы катталып (2019-ж. 9 ай ичинде 78 өрт кырсыгы катталган) өткөн жылга салыштырмалуу өрттүн саны 7 өрткө азайган.
Өрттөн болгон материалдык чыгымдар 4 миллион 670 миң сомдон ашык түздү. Өрттөн 42 млн. 852 мин сомдон ашык товардык материалдык баалуулуктар сакталып калган.
Өрттөрдүн негизги себептери:
– Атайын өрттөө -8,5%,
– Балдардын от менен ойноосунан -33,3%, өрт кырсыгы болду.
– Өрттүн жалпы санынан -26,6% турак жай секторунда болгон.
Өрттөрдүн көпчүлүгү турак жай секторунда болуп 1 млн. 219 мин 089 сомдук материалдык чыгымды түзгөн.
2020-жылдын 9 айында республиканын өрттүн алдын алуу органы тарабынан өрттүн алдын алуу жана адамдардын өлүмүн болтурбоо максатында өрткө каршы бир катар үгүт иштери аткарылды: 1076 жерде 12351 адамды камтыган өрткө каршы нускоолор, лекциялар, сүйлөшүүлөр мамлекеттик объекттердин кызматкерлери, жеке ишкерлер жана эл көп топтолгон жайларда (айылдык жана кварталдык) өткөрүлгөн.
КОММЕНТАРИЙ КАЛТЫРУУ