Ысык-Көл облусунда милиция Жети-Өгүздүн 31 жаштагы тургуну жашы жете элек кыз менен никеге турганы боюнча маалыматты текшерип жатат.
Буга чейин, социалдык тармактарда Жети-Өгүз районунун тургуну нике аземи менен жашы жете элек кызга үйлөнгөнү тууралуу маалымат тараган. Үйлөнгөн адам 31 жашта, ал эми кыз 16 жашта.
Облустук ички иштер башкармалыгынын басма сөз кызматы билдиргендей, Жети-Өгүз районунун ички иштер бөлүмүнө жашы жете элек кыздын мыйзамдуу өкүлдөрүнөн арыз түшкөн эмес. Ошол эле учурда, маалымат Ички иштер бөлүмүнө катталган. Бул окуя болгон айылда райондук милициянын тергөө-ыкчам тобу текшерүү үчүн жөнөп кетишкен.
Бардык керектүү тергөө иш-чаралары жүргүзүлгөндөн кийин, процессуалдык баа берилет.
КОММЕНТАРИЙ КАЛТЫРУУ