Menu

КЫЗМАТ-МАНСАП

Таалайбек Конкобаев Кара-Көл шаарынын мэри болуп дайындалды

Бүгүн, 20-июнда Кыргыз Республикасынын Президенти Садыр Жапаров кол койгон тескемеге ылайык, Кыргыз Республикасынын Конституциясынын 71-беренесин жетекчиликке алып, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 47-беренесинин 1-бөлүгүнө ылайык Конкобаев Таалайбек Тажиматович Кыргыз Республикасынын Жалал-Абад облусунун Кара-Көл шаарынын мэри болуп дайындалды.

Мунун алдында Кара-Көл шаарынын мэри Балташов Алмазбек Шукуралиевич ээлеген кызматынан бошотулган.

Арслан Койчиев Түрк тилдүү мамлекеттер уюмунун Башкы катчысынын орун басары болуп дайындалды

Бүгүн, 29-июнда Арслан Койчиев кыргыз тараптан Түрк тилдүү мамлекеттер уюмунун Башкы катчысынын орун басары болуп дайындалды.

Буга чейин Кыргыз Республикасынын Президенти Садыр Жапаровдун Жарлыгынын негизинде Кыргыз Республикасынын Конституциясынын 71-беренесин жетекчиликке алуу менен Койчиев Арслан Капайович башка ишке өткөндөгүнө байланыштуу, Кыргыз Республикасынын Президентинин кеңешчиси кызматынан бошотулган.

Муктар Жумалиев Кыргызстандын Бельгиядагы элчиси кызматынан бошотулду

Кыргыз Республикасынын Президенти Садыр Жапаров кол койгон Жарлыкка ылайык, Жумалиев Муктар Кабылбекович Кыргыз Республикасынын Бельгия Королдугундагы, Нидерланддар Королдугундагы, Люксембург Улуу Герцогдугундагы Атайын жана Ыйгарым укуктуу Элчиси жана Кыргыз Республикасынын Европа Бирлигиндеги, Химиялык куралга тыюу салуу боюнча уюмундагы (ХКТУ), Түндүк Атлантика келишим уюмундагы (НАТО) Туруктуу өкүлү кызматынан бошотулду.

Эмил Шерматов КР Президентинин иш башкармасынын жетекчисинин биринчи орун басары болуп дайындалды

Шерматов Эмил Абсатарович Кыргыз Республикасынын Президентинин иш башкармасынын жетекчисинин биринчи орун басары болуп дайындалды. Тийиштүү чечимге Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаров кол койгон.

Нуртазин Жетибаев Архитектура, курулуш жана турак жай-коммуналдык чарба мамлекеттик агенттигинин директору болуп дайындалды

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесине ылайык, Жетибаев Нуртазин Алымкулович Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин директору болуп дайындалды.

Токтомамбет Сатышов Архитектура, курулуш жана турак жай-коммуналдык чарба мамлекеттик агенттигинин директору кызматынан бошотулду

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесине ылайык, Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин директору Токтомамбет Сатышов башка ишке өткөңдүгүнө байланыштуу ээлеген кызматынан бошотулду.

Нурлан Сулайманкулов КР Президентинин Администрациясынын, Президенттин жана Министрлер Кабинетинин чечимдерин аткарууну контролдоо башкармалыгынын начальниги болуп дайындалды

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесин жетекчиликке алып Сулайманкулов Нурлан Арзыматович Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгынын начальниги болуп дайындалды.

Айбек Жунушалиев КР Президентинин Администрациясынын, Президенттин жана Министрлер Кабинетинин чечимдерин даярдоо боюнча башкармалыгынын начальниги болуп дайындалды

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесине ылайык Жунушалиев Айбек Жанышбекович Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын начальниги болуп дайындалды жана ал буга чейин ээлеген кызматынан бошотулду.

Адылбек Касымалиев КР Министрлер Кабинетинин биринчи орун басарынын милдетин аткаруучу болуп дайындалды

Кыргыз Республикасынын Президенти Садыр Жапаров Жарлыкка кол койду, ага ылайык, Кыргыз Республикасынын Конституциясынын 70-беренесинин 1-бөлүгүнүн 2-пунктуна ылайык Касымалиев Адылбек Алешович Кыргыз Республикасынын Министрлер Кабинетинин Төрагасынын биринчи орун басарынын милдетин аткаруучу болуп дайындалды.

Жарлык менен анын талапкерлигин Кыргыз Республикасынын Министрлер Кабинетинин Төрагасынын биринчи орун басары кызмат ордуна дайындоо үчүн Кыргыз Республикасынын Жогорку Кеңешине макулдашууга киргизүү жөнүндө токтом кылынат.

Алтынбек Эргешов КР Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын начальниги кызматынан бошотулду

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 71-беренесин жетекчиликке алып, Эргешов Алтынбек Калдарович Кыргыз Республикасынын Президентинин Администрациясынын Президенттин жана Министрлер Кабинетинин чечимдерин даярдоо боюнча башкармалыгынын начальниги кызматынан бошотулду.

Меню