КРИМИНАЛДЫК ХРОНИКА ЖАНА ОКУЯЛАР

Ош ШИИББдин 10-бөлүмүнүн кызматкерлеринин ыкчам-иликтөө иш-чарасынын жүрүшүндө Сирия-ирактык аймакта согуштук чыр-чатакка катышып келген жарандын өздүгүн такташты.
Кыргыз Республикасынын ИИМдин 10-башкы башкармалыгынын маалыматы боюнча 1995-жылы туулган Ош шаарынын М.А. аттуу тургуну Сирия аймагында Ислам мамлекети аталышындагы легеринде согуштук ыкмаларга үйрөнүп, эл аралык террористтик уюмдун мүчөсүнө ыктыярдуу түрдө кирген. Бул туурасында ИИМдин Басма Сөз кызматы билдирет.

Шектүүнүн жашаган жерин текшерүү маалында көп сандаган мыйзамсыз сакталган экстремисттик мүнөздөгү материалдар табылды. Экстремисттик топтор менен байланышы бардыгына жана террористтик ишмердүүлүк менен алектенгени боюнча террористтердин шектүү менен сүйлөшүү учурундагы аудиокөчүрмөлөр жана бир канча документтер менен кошо далил катарында сүрөттөр, аудиокөчүрмөлөр, видеокөчүрмөлөр, дикстер, китептер, өзбек, араб тилдериндеги баракчалар табылды. Андан сырткары, кармалган адамдын үйүнөн мыйзамсыз сакталган РГД-5 үлгүсүндөгү жарылуучу заттан 2 бирдик табылып алынды.

Ош ШИИББдин маалыматында, кармалган жаран Сирия-ирактын аймакта согуштук чыр-чатакка катышып, экстремисттик материалдарды таратып, террористтик мүнөздөгү идеялогияны жайылтуу менен алектенген. Кыргыз Республикасынын түштүк аймагында жардырууну пландап жүргөн.

Жогорудагы кылмыш ишине Кыргыз Республикасынын Кылмыш-жаза кодексинин 299-берененин 2-бөлүмүнө (Сатып алуу, сактоо, таркатуу же болбосо аларды даярдоо жана жайылтуу максатында экстремисттик материалдарды ошондой эле белгилерин жана экстремисттик уюмдардын атрибуттарын атайын колдонуу) ылайык милици кызматкерлери тарабынан ыкчам-иликтөө иш-чарасы жүргүзүлдү.

Кармалган адам Ош шаарынын ИИБнын убактылуу кармоочу жайына киргизилди. Учурда тергөө амалдары жүрүп жатат.

Азыркы учурда Кыргыз Республикасынын ИИМдин 10-башкы башкармалыгы экстремисттик жана террористтик мүнөздөгү ишмердүүлүгүн ачыктоого багытталган ыкчам-иликтөө иш-чарасын улантууда.

«Йакын инкар» диний агымы экстремисттик деп табылды. Бул тууралуу Жогорку сот кабарлайт. Октябрь райондук соту 15-июнда Башкы прокуратуранын кайрылуусу менен бул агымдын ишмердигин карап чыгып, аларга тыюу салуу чечимин чыгарган. Буга чейин муфтият дагы инкарчыларга калк арасында үгүттөө жүргүзүүгө тыюу салган. Жогорку соттун маалыматында, «Иакын инкар» — «Таблиг Жамаат» уюмунан бөлүнүп чыккан агым экендиги айтылат. Жергиликтүү басылмалар Ысык-Көл жана Нарында узун сакал өстүрүп, пакистандык эркектердин кийимин кийип, заманбап жашоону четке кагып, иштебей, Мухаммед пайгамбардын кезиндегидей жашоого үгүттөгөн топ пайда болгонун жазып чыгышкан. Айрым пикирлерге караганда, алар уюлдук телефон, телевизор колдонушпайт жана мамлекеттик органдарды таанышпайт.

Булак: “Фабула”

Москвада ыкчам жүргүзгөн иш-чаралардын натыйжасында полиция кызматкерлери Текстильщиктердин 1-көчөсүндө жайгашкан сойкулук ишин алып барган көмүскө жайды табышты жана жок кылышты. Бул туурасында Россиянын ИИМинен билдиришти.

Массаж салонунун имаратынан РФтин ар кайсы шаарларынан, Өзбекстан жана Кыргызстандан келген кыздар акчага сексуалдык кызмат көрсөтүштү деген шек менен кармалган. Алардын ичинен алтооно сойкулук кылуу беренеси менен административдик протокол түзүлдү.

Алар менен бирге мыйзамсыз ишти башкарган 51 жаштагы Москва шаарынын жашоочусу дагы кармалган. Ал администратордун кызматын аткарган.

Бишкектин тургуну, 19 жаштагы балага Ысык-Көлгө 14 жаштагы жашы жете элек кызды ата-энесинен уруксаатсыз ээрчитип алып кеткени үчүн кылмыш иши козголду. Бул туурасында Чүй облустук ИИББнын басма сөз кызматы билдирет.

“Ата-энеси кызды издешип, милицияга кайрылышкан. Качан кыз менен жигит Ысык-Көлдөн Бишкекке кайтып келишкенде, бала кызды милиция аркылуу издеп жатышканын билип, ЦУМдун жанына таштап коюп кетип калган. Андан соң кыз апасына чалып, үйүнө алып келишкен” – деп маалымдады ИИББнан.

Учурда эркек баланын аты-жөнү такталып, изделүүдө. Ага КРнын Кылмыш кодексинин 132-беренеси менен (16 жашка чыга элек бала менен жыныстык катнашка баруу жана башка сексуалдык мамиледе болуу) боюнча кылмыш иши козголду.

Ушул жылдын апрель айында Жайыл районунун ички иштер бөлүмүнө 27-жаштагы Кара-Балта шаарынын жашоочусу Б.Ж. аттуу кайрылып, арызында үйүнүн жанына «Мерседес-Бенц» үлгүсүндөгү автоунаасын токтотуп койгон жеринен белгисиз жаран айдап качканын билдирген. Бул туурасында Чүй ОИИББнын Басма сөз кызматы билдирет.

Жогорудагы факты боюнча Кыргыз Республикасынын Кылмыш-жаза кодексинин 172-беренесине ( автоунаага же автотранспорт каражаттарына мыйзамсыз ээ болуу) ылайык кылмыш иши козголгон. Милиция кызматкерлеринин ыкчам-иликтөө иш-чарасынын негизинде кылмышка шектүү жарандын өздүгү такталып, 39 жаштагы С.Р. аттуу жергиликтүү тургун болуп чыккан. Уурдалган автоунааны бөлүктөргө бөлүп, сатып жиберген. Кармалган адам убактылуу кармоочу жайга киргизилип, тергөө амалдары жүрүп жатат.