КРИМИНАЛДЫК ХРОНИКА ЖАНА ОКУЯЛАР

Бадахшандын жергиликтүү бийлиги өкмөттүк аскерлер 100дөн ашуун жоочуларды жок кылганын маалымдады. Уездди бошотуу операциясын генерал Жалал Яфтали жетектеди. Аны Бадахшан провинциясынын башчысы жана Ооганстандын коргоо министринин орун басары коштоп жүрдү.

Пакистан жана Тажикстанга жакын стартегиялык жактан маанилүү болгон Зебак уездин талиптер эки апта мурун, 28-апрелде басып алышкан. Жоочулар Ооганстандагы Ишкашим шаарын тартып алууга аракет жасашканы менен жыйынтык чыккан эмес.

Булак: “Борбор Азия жаңылыктар кызматы”

Ал «конституциялык түзүмдү кулатуу аракетин көргөн», террордук акты жасаган, көптөгөн адамдарды өлтүргөн жана мыйзамсыз курал сактаган деп айыпталууда.

Өз көрсөтмөсүндө Машарипов алгач Стамбулдун “Таксим” аянтында жардыруу уюштурууну мерчемдегенин, бирок ал жакта коопсуздук чаралары күчөтүлгөндүгүнө байланыштуу Reina клубуна кол салганын билдирген. Анда 40 киши өлүп, 70 адам жаракат алган.

Машарипов теракттан бир нече жума өткөндөн кийин кармалган. Колго түшүрүү маалында анын батиринен эки тапанча, 197 АКШ доллары, дрон жана SIM-карталар табылган. Түркиянын укук коргоо органдары ал акчалар Машариповго теракт жасагандыгы үчүн берилген болушу мүмкүндүгүн билдирген.

Булак: “Борбор Азия жаңылыктар кызматы”

Табка “Ислам мамлекети” тобу борбор кылып алган Ракка шаарынын батышынан 40 чакырым аралыкта жайгашкан. Жоочулардын карамагында Раккадан башка ири калаалар жана калктуу конуштар калган жок.

Күрд жана араб аскерлеринен куралган Syrian Democratic Forces (SDF) альянсы Табка үчүн ИМ тобу менен бир нече жума катары менен согушту. Аз мурун альянс Кошмо Штаттардан курал-жарак алган. Аны менен бирге АКШ жетектеген эл аралык коалиция абадан чабуул жасоого дагы көмөк көрсөттү.

SDF альянсынын кеңешчиси Насер Хадж Мансур плотинага жакын жайгашкан шаар толугу менен бошотулганын билдирди. АКШ президентинин ИМ тобуна каршы күрөшүү боюнча атайын өкүлү Бретт Макгерк Твиттерде жоочулардын мизин кайтарууга мүмкүн болгонун жазды.

Булак: “Борбор Азия жаңылыктар кызматы”

Облус акиминин орун басары Антон Федяевдин айтымында, дем алыш күндөрү суу Долматов айылына жетип, бир канча үйдү каптаган. Андан соң Прибережное, Тепличный, Соколовка жана Борневка айылдарындагы турак-жайларды зыянга учураткан.

Акимдин орун басары аймакта суунун кирүүсү азайганын, жаңы ташкындардын болуу ыктымалдыгы төмөн экенин айтты.

Учурда эки эвакуациялык пункка 40 киши жайгаштырылган. Бийлик азык-түлүк жана кийим-кечеден турган гуманитардык жардам селден жабыркаган 341 үйгө жеткирилгенин билдирүүдө. Аларды ыктыярчылар эвакуациялык пункттардагы адамдарга да тарткатып жатышат.

Жергиликтүүлөр суу ташкынынан улам жарыксыз жана байланышсыз күн кечиришүүдө. Видео (4-май, 2017-жыл):

Булак: “Борбор Азия жаңылыктар кызматы”

Мир кичи районунун тургундарынын бири кол салган адамдардын көбү 16-25 жаштагы адамдар болгонун билдирди. Айтымында, көбү мас же маңзат чегип алышкан.

Ал кичи райондун качып кетүүгө үлгүрбөй калган тургундары токмок жешкенин айтты. «Алар алдынан чыккандардын бардыгын сабап, жыгылып калгандарды тепкилешти. Андан тышкары короолордо турган автоунааларды да жөн коюшкан жок. Ондогон машиналарды талкалап кетишти», – деди ал.

Маалыматтарга караганда, мушташ жарым саатка созулган. Полиция менен тез жардам кызматы кол салган адамдар таркап кеткенден кийин келген. Азырынча жабыркаган адамдардын саны, окуянын келип чыгуу себептери белгисиз бойдон калууда.

Окуя боюнча укук коргоо органдары эч кандай комментарий бере элек.

Булак: “Борбор Азия жаңылыктар кызматы”

Өлкөнүн Башкы прокуратурасынын маалыматына ылайык, 18 жаштагы Бехруз апрелде Дүйшөмбүнүн аэропортунда кармалган. Ал Орусияга барып, андан ары Сирияга атасына кетүүгө ниеттенген. Учурда Бехруз тергөө абагында камакта.

Буга чейин туугандары анын кармалганын ырасташкан. Айылдаштары Бехруздун Сирияга барууга камынып жаткандыгы тууралуу маалыматты четке кагышууда. Айтымдарында, атасы качып кеткенден кийин үй-бүлөнү багуу улуу баласынын мойнуна жүктөлүп, ал Орусияга иштеп келүү үчүн кеткени жаткан.

40 жаштагы Халимов согушкерлердин катарына кошуулуу чечимин тажик ИИМиндеги тартиптерге, анын ичинде мусулман кийимдерин кийүүгө тыюу салынгандыгына нааразы болгондугу менен түшүндүргөн. Тажик чалгын кызматынын маалыматы боюнча ал тез эле ИМ тобунун лидерлеринин бирине айланып, анда аскердик министрдин милдеттерин аткарып жүргөн.

Тажикстандын Башкы прокуратурасы Гулмурод Халимовго каршы үч берене боюнча кылмыш ишин козгогон. АКШ анын кайсыл жерде жүргөндүгү тууралуу так маалымат бергендерге $3 млн сыйакы убадалаган.

Булак: “Борбор Азия жаңылыктар кызматы”

Мекеменин сайтына 313 студенттин фамилиясы жана окуу жайлардын ысымдары жарыяланган. ИИМ мындай тизме ээнбаш студенттер менен күрөшүүгө жардам берет деп эсептейт.

Тартип бузгандардын көбү – Тажик улуттук университетинин юридикалык факультетинде билим алышат. Студенттердин ырасташынча, адатта ал жакта колунда бар үй-бүлөлөрдүн жана мамлекеттик чиновниктердин балдары окушат.

Он күн мурун өлкө президенти Эмомали Рахмон өкмөт жыйынында аткаминерлер, өкмөт мүчөлөрү, парламенттин төмөнкү палатасынын депутаттары жана алардын балдары менен туугандары ысырапкорлук менен той-топурларды өткөрүп, жол эрежелерин сактабай, окуу жайларга кымбат унаалар менен келип жатканын сындаган. Президент мындан ары тартип бузгандар мамлекеттик кызматтан кол жууй турганын жана балдары жогорку окуу жайлардан чыгарыларын эскерткен

Булак: Борбор Азия жанылыктар кызматы

Бул тууралуу бүгүн зоопарктын жетекчиси Салтанат Сеитова билдирди. Анын айтымында, окуя 9-майда болгон:

– Биз дароо “Тазалыктын” жумушчуларына сигнал бердик. Зоопарктын аймагынан чыгып кеткенден кийин мен маалымдоого милдеттүү болчумун. Биздин уруксат менен бир сааттын ичинде ликвидация болду. Азыр тынч. Эч кимге кол салган жок.

Сеитованын белгилешинче, карышкыр кармалчу торду белгисиз бирөөлөр кесип кеткен, бөлтүрүк ошол жерден чыккан.

Булак: “Борбор Азия жаңылыктар кызматы”