КРИМИНАЛДЫК ХРОНИКА ЖАНА ОКУЯЛАР

Маалыматтарга караганда, абактагы аялдардын туугандары Ооганстандын Дүйшөмбүдөгү элчилигине кайрылып, экстрадициялоону өтүнүшкөн.

Ооган тарап кабарлагандай, камактагы аялдар Талибан жана “Ислам мамлекети” тобуна мүчө болгондуктары үчүн күнөөлүү деп табылышкан.

Дүйшөмбү камактагы жарандарын кайтаруу боюнча Кабулга кат жөнөттү.

Тажикстан менен Ооганстан 2010-жылы камактагыларды алмашуу боюнча келишимге кол коюшкан.

Ооган бийлиги маселе каралып жатканын, бирок аялдарды алардын макулдугу менен гана экстрадициялоо мүмкүн экенин баса белгилөөдө. Ооган ТИМиндеги өз булактын кабарлашынча, Кабулдагы түрмөдө жаш балдары менен 7 тажикстандык аял отурат. Кызыл Чырым уюмунун өкүлдөрү камактагылар менен сүйлөшүп чыгышкан, бирок алар экстрадициялоого азырынча макулдуктарын берише элек.

Булак: “Борбор Азия жаңылыктар кызматы”

17-майда Ооганстандын РТА каналынын имаратына бир нече адам чабуул койгон.

Жабырлануучулар жок. Нангархан провинциясынын борборундагы кол салуунун артында кайсы уюм турары белгисиз.

Жалалабад шаарына кол салуу – талиптер бүтүндөй Ооганстан боюнча жазгы чабуулдарын жандандырган маалга туш келди.

Булак: “Борбор Азия жаңылыктар кызматы”

ИИМ маалыматы боюнча Есергепов бычак жегенин 14-май күнү таңкы саат төрттө айткан. Поезд коштоочусу Шу станциясындагы медициналык бөлүмгө жана полицияга кабарлаган. Журналистке үч жолу бычак урулган. Учурда анын өмүрү коркунучта эмес.

Шудагы ооруканада жаткан 61 жаштагы Есергепов кол салууну кесиптик ишмердүүлүгүнө жана жарандык жигердүүлүгүнө байланыштырууда. Ага операция жасалды. Журналисттин кесиптештери аны Алматыга которуу мүмкүнчүлүктөрүн караштырышууда.

“Журналисттер коркунучта” фондунун төрагасы Рамазан Есергепов 14-майда, поезд менен Алматыдан Астанага бараткан маалда бычак жеген. Активист Астанага Евробиримдик өлкөлөрүнүн элчилери, ошондой эле эл аралык эксперттер менен Казакстандагы сөз эркиндигин талкуулоо үчүн бараткан.

Булак: “Борбор Азия жаңылыктар кызматы”

Кыргызстан мусулмандар дин башкармалыгы бул окуяны арты жарашуу менен аяктаган эки адамдын гана өз ара пикир келишпестиги катары сыпаттап жатат.

Дем алыш күндөрү интернетке чыккан бул видеотасма айрыкча социалдык тармактарда кызуу талкуу жаратты жана анда дааватчылар ортосунда териштирүү – тиреш болгон деген өңдүү жоромолдор айтылды.

Бир мүнөткө жетпеген видеодон мечиттин короосунда сүннөт кийимчен 20 чакты адам жүргөнүн, алардын ичинен олбурлуу, орто жаштагы бир адам жанындагылар токтотконуна карабай, башка бир адамды урганы, андан кийин экинчи адамга да кол көтөргөнүн көрүүгө болот. Видеодо кол көтөргөн адамга жанындагылар “Баатыр” деп кайрылып жатышканы да угулат.

Кыргызстан мусулмандар дин башкармалыгынын басма сөз өкүлү Максат Атабаевдин билдиришинче, бул окуя мындан бир ай мурун Чүйдөгү мечиттердин биринде болгон. Ал дааватчылар ортосундагы тиреш болгон деген өңдүү сөздөрдү жокко чыгарды. Мечитке келген жарандардын өз ара турмуштук пикир келишпестиктен чыккан чыр деп атады:

– Эки бир тууган уруша кетип, ачууга алдырып коюшкан экен. Ошол жерде турган башка бир туугандар, жергиликтүү эл аларды кайра жараштырып коюшкан.

Ички иштер министрлигинин маалымат катчысы Бакыт Сейитов ур-токмок фактысын Чүй облустук ички иштер башкармалыгынын 10-бөлүмү териштирип жатканын айтты. Ал териштирүү иштерине кийин чаралар көрүлөрүн белгиледи.

Расмий маалыматтар боюнча, Кыргызстанда 2700 мечит бар.

Булак: “Борбор Азия жаңылыктар кызматы”

Елеусиновго компаниядан уурдалган делинген 8 миллион тенгени төлөтүү милдеттендирилди.

Өкүм бүгүн Астананын Алматы райондук сотунда окулду. Сот Елеусиновдун буга чейин соттолбогону, жасаган ишине өкүнгөнү, жана күнөөсүн мойнуна алганы өкүмдү жумшартууга негиз болгонун билдирди.

Прокуратура менен айыпталуучунун ортосундагы макулдашууга ылайык, Амин Елеусинов профсоюз акчасын уурдоо жана полицияны мазактоо, ага баш ийбөө жана зомбулук көрсөтүү беренелери боюнча күнөөлөрүн моюнуна алган.

Елеусинов быйыл январда Мангистоо облусундагы мунай компаниясынын жумушчулары менен бирге Көз карандысыз кесиптик кошуун конфедерациясынын жоюлушуна каршы чыгып, ачкачылык акциясына катышкан.

Булак: “Борбор Азия жаңылыктар кызматы”

Бул тууралуу өлкө президенти Эмомали Рахмон 13-майда Хатлон облусунун активдери менен болгон жолугушуусу маалында билдирди. Бирок мамлекет башчы конкреттүү адамдардын аттарын атаган жок. «Бир нече адам иштен алынды. Эми мындай иштер дагы да катаал жүргүзүлөт», – деди Рахмон.

Ал мыйзамдар элдин кызыкчылыгы үчүн жана коомдогу туруктуулукту камсыздоо максатында кабыл алынганын, бирок айрым аткаминерлер менен ишкерлер ысырапкорчулукка барышып, туугандары коомдук тартипти бузуп жаткандыгын билдирди.

Эмомали Рахмон өкмөттүн 27-апрелдеги жыйынында мамлекеттик кызматкерлер, өкмөттүн жана парламенттин мүчөлөрү шаан-шөкөттүү салтанаттарды уюштурарын айтып, алардын балдары жол эрежелерин бузуп, окуу жайга автоунаалар менен барып жатканын айткан.

Булак: “Борбор Азия жаңылыктар кызматы”

Өткөн жума күнү дүйнөнүн 150 өлкөсүндө WannaCrypt деп аталган вирус тараган. Ал компьютердеги файлдардын баарын жашырып, аларды калыбына келтирүү үчүн компьютер ээсинен акча талап кылган. Жалпысынан вирустук чабуулга 200 миңге чукул киши кабылган.

Орусияда вирус Ички иштер министрлигинин, Тергөө комитетинин, мобилдик операторлордун жана «Орусия темир жолдору» ишканасынын компьютердик системаларына кирген. Улуу Британияда вирустан мамлекеттик ооруканалар жана башка медициналык жайлар зыян тарткан. Казакстанда болсо Каспий жээгиндеги Кашаган мунай кенинин операторунун серверлерине чабуул жасалган.

Вирустук кол салуудан кийин Улуу Британия бийлиги киберкоопсуздук үчүн кошумча 64 миллион доллар бөлүү чечимин кабыл алды. Ак үйдө бул көйгөйдү эки жолу талкуулоого жетишишти.

Булак: “Борбор Азия жаңылыктар кызматы”