БОРБОРДУК АЗИЯДА

Уябаева өлкө башчынын 91 сүрөтү үйүн түрттүрүү үчүн келген куруучуларды токтотот деген ишенимде.

«Аткаминерлер Кудайдан да коркушпайт, жок дегенде президенттен коркушсун. Мамлекет башчыбыз элибиз жакшы жашасын, келечегибиз жакшы болуп, бардыгы жогорку деңгээлде болсун деген саясатты карманат. Чиновниктер болсо жеке тилкебизди тартып алып, талаага кууп чыкканы жатышат», – дейт Уябаева.

Үйдө сегиз киши жашайт, алардын экөөсү жаш балдар. Үй ээси алгач ага компенсация катары $400 сунуштап, кийинчерээк аны 4,7 миллион тенгеге көбөйтүшкөнүн, бирок бул сумма да жаңы турак-жай сатып алууга жетпей турганын айтууда.

21-апрелде «ЭКСПО» эл аралык көргөзмөсүнө даярдык көрүү маселелери талкууланып, анда Нурсултан Назарбаев Астанада эски үйлөрдүн бар экенин жана алар шаардын көркүн бузуп жатканын айтып ачууланган.

Булак: “Борбор Азия жаңылыктар кызматы”

Diplomatic VIP and Travel Service компаниясынын маалыматына караганда, “Өзбекстан аба жолдору” шаршемби сайын 190 орундуу Боинг–757-231 учагы менен Ташкент–Тамчы–Ташкент каттамын аткарат. Учуу убактысы – бир саат 20 мүнөт. Барып-келүү жол киренин баасы 340 доллар.

Андан тышкары Сибирдин эң ири шаары Новосибирсктин “Толмачёво” аэропортунан Ысык-Көлгө авиакаттамдар ачылат. S7 airlines компаниясы шаршемби жана жума күндөрү 78 орундуу Эмбраер–170 учагы менен Новосибирск–Тамчы–Новосибирск каттамын аткарарын маалымдады. Учуу убактысы – эки саат 50 мүнөт.

Аны менен бирге салттуу болгон Астана–Тамчы–Астана, Алматы–Тамчы–Астана жана Шымкент–Тамчы–Шымкент эл аралык рейстери жанданары күтүлүүдө. Ал эми Ош–Тамчы–Ош авиакаттамы 30-июндан тарта 99 орундуу Бритиш Аэроспейс–146-200 учагы менен жума жана жекшемби күндөрү каттайт деп кабарланган. Үч жыл мурда токтогон Жалал-Абад–Тамчы–Жалал-Абад авиакаттамын жандандыруу да каралууда.

Учуу жадыбалдары июнда толугу менен бекитилип, билеттер сатыкка чыгаары күтүлүүдө.

Булак: “Борбор Азия жаңылыктар кызматы”

Академиянын сайтындагы маалыматтарга караганда, сынакка адискөй сүрөтчүлөр, графика менен иштегендер катыша алышат, чыгарманын көлөмүнө чектөө жок. Сынак 31-августка чейин уланат. Жеңүүчүлөргө Өзбекстан Сүрөт академиясынын атынан сыйлыктар тапшырылат.

Буга чейин маркум президент Ислам Каримовдун эң мыкты айкелин жаратуучуларга дагы сынак жарыяланып, Ильхом Жаббаров жеңүүчү болгон. Каримовдун тушунда куугунтукка алынган скульпторго Ташкент, Самарканд жана Карши шаарында Каримовдун эстелигин тургузуу вазыйпасы жүктөлгөн.

Булак: “Борбор Азия жаңылыктар кызматы”

Облус акиминин орун басары Антон Федяевдин айтымында, дем алыш күндөрү суу Долматов айылына жетип, бир канча үйдү каптаган. Андан соң Прибережное, Тепличный, Соколовка жана Борневка айылдарындагы турак-жайларды зыянга учураткан.

Акимдин орун басары аймакта суунун кирүүсү азайганын, жаңы ташкындардын болуу ыктымалдыгы төмөн экенин айтты.

Учурда эки эвакуациялык пункка 40 киши жайгаштырылган. Бийлик азык-түлүк жана кийим-кечеден турган гуманитардык жардам селден жабыркаган 341 үйгө жеткирилгенин билдирүүдө. Аларды ыктыярчылар эвакуациялык пункттардагы адамдарга да тарткатып жатышат.

Жергиликтүүлөр суу ташкынынан улам жарыксыз жана байланышсыз күн кечиришүүдө. Видео (4-май, 2017-жыл):

Булак: “Борбор Азия жаңылыктар кызматы”

Мир кичи районунун тургундарынын бири кол салган адамдардын көбү 16-25 жаштагы адамдар болгонун билдирди. Айтымында, көбү мас же маңзат чегип алышкан.

Ал кичи райондун качып кетүүгө үлгүрбөй калган тургундары токмок жешкенин айтты. «Алар алдынан чыккандардын бардыгын сабап, жыгылып калгандарды тепкилешти. Андан тышкары короолордо турган автоунааларды да жөн коюшкан жок. Ондогон машиналарды талкалап кетишти», – деди ал.

Маалыматтарга караганда, мушташ жарым саатка созулган. Полиция менен тез жардам кызматы кол салган адамдар таркап кеткенден кийин келген. Азырынча жабыркаган адамдардын саны, окуянын келип чыгуу себептери белгисиз бойдон калууда.

Окуя боюнча укук коргоо органдары эч кандай комментарий бере элек.

Булак: “Борбор Азия жаңылыктар кызматы”

Ишкана ишин керектүү чийки заттардын жоктугуна байланыштуу токтоткон. «Спитамен-Текстайлздын» директору Абдулкодир Бакоев фабрика өндүрүштү калыбына келтиргени менен анын туруктуу иштеши чийки заттын бар-жогуна жараша болорун айтты:

— Азыр биз 150 тонна пахта буласын алдык. Чийки зат эч жерде жок болуп атат, ар кайсыл жерден аз-аздан сатып алдык. Албетте алардын баалары да ар башка болду.

Анын айтымында, өткөн жылдын соңунда пахта буласынын тоннасы 1 300 доллар болсо, учурда 1 600 долларга чейин жогорулап кеткен. «Чийки пахтанын тартыштыгы 7 ай — февралдан сентябрга чейин сезилет. Бул айларда өкмөт ички өндүрүш ишканаларын чийки заттардын запасы менен камсыздап бериши керек эле. Бул ата мекендик ишканалар үчүн чоң колдоо болмок», – деди Бакоев.

Учурда жергиликтүү фабрикалар пахта буласын дүйнөлүк баада сатып алып жатышат.

«Спитамен-Текстайлз» ийирүү ишканасы 2009-жылы иштеп баштаган. Ал жылына 3500 тоннага чейин пахта буласын кайра иштетип чыгарууга кудуреттүү. Жалпысынан Согди облусунда 7 ийирүү фабрикасы бар.

Булак: Борбор Азия жанылыктар кызматы

Делегацияны Өзбекстандын маданият министринин орун басары Минхожиддин Хожиматов жетектөөдө. Өзбек өнөрпоздору концерт берет жана Дүйшөмбү, Турсунзада жана Курган-Төбөдө маданий программаларды тартуулашат.

Тажикстан маданият министри Шамсиддин Орумбековдун билдиришинче, Өзбекстандын маданият күндөрү бүгүн, 10-майда Мамлекеттик академиялык опера жана балет театрында башталат. “Бул эки коңшу өлкөнүн ортосундагы маданий байланыштарды бекемдөөдөгү маанилүү кадам”, -деп белгиледи ал.

Тажикстан менен Өзбекстан өнөр жаатында кызматташууга 1998-жылы кол коюшканы менен көп жылдар бою алака болгон эмес.

Булак: “Борбор Азия жаңылыктар кызматы”