ДҮЙНӨ ЖҮЗҮНДӨ

Сок чек ара аймактарында кырдаалды курчуткан душмандык бардык аракеттерди токтотуу үчүн 21-июлда Тонгилакта Түндүк Корея менен аскердик сүйлөшүүлөрдү өткөрүүнү сунуштады.

Тонгилгак – буга чейин эки Корея сүйлөшүүлөрдү өткөрүп келген Панмунжом айлындагы түндүк кореялык имарат. Эки өлкө 2015-жылдын аягынан бери өкмөттүк деңгээлдеги сүйлөшүүлөрдү өткөрө элек. Түштүк Кореянын жаңы президенти Мун Чжэ Ин Түндүк менен мамилени жакшыртууга ынтызар экенин билдирген.

Пхеньян 4-июлда континент аралык баллистикалык ракетасын ийгиликтүү сынагандан кийин эки өлкөнүн ортосундагы мамиле курчуп кеткен. Түштүк Корея президенти чыңалууну азайтуу үчүн 6-июлда Түндүк Кореянын лидери Ким Чен Ын менен жолугушууга даяр экенин айткан.

Түштүк Корея Кызыл Чырым линиясынын алкагында 1-августта ушул эле жерде кеңешме уюштурууну демилгелеген. БУУ Түндүк Кореянын ракеталык программасына тыюу салган.

Булак: “Борбор Азия жаңылыктар кызматы”

Макрон Париж менен Вашингтондун дүйнөлүк көйгөйлөр боюнча позициясындагы окшоштуктар менен карама-каршылыктар жөнүндө айтып, көпчүлүк маселелер боюнча өз ара түшүнүшүү бар экенин белгиледи.

Өз кезегинде Трамп эркиндиктин идеалдарын бекемдөөдөгү Франциянын тарыхый ролун белгиледи. АКШ президенти эки өлкө ортосундагы көп жылдык достукка жана союздаштыкка көңүл бурду.

Трамп АКШнын климат боюнча Париж келишимине кайтып келүү ыктымалдыгы жөнүндөгү суроого жооп берип, Кошмо Штаттар келишимге катышып жаткан башка өлкөлөр менен кызматташтыкты өнүктүрүү мүмкүндүктөрүн караштырып жатканын айтты.

Маалымат жыйындын жүрүшүндө Трамп Макрон менен талкуулаган башка темаларды, анын ичинде Украинадагы абалды атады. Бирок аларга кеңири токтолуп, сүйлөшүүлөрдүн чоо-жайын айткан жок,

Журналисттер тараптан Трамптын уулунун орусиялык адвокат менен жолуккандыгы боюнча дагы суроолор берилди. Трамп ММКлар ал жолугушууну көбүртүп-жабыртып жиберишкенин айтып, уулун жөнөкөй орус адвокаты менен жолукканда маанилүү эч кандай маалымат албаган таза киши деп атады. Бирок демократтар Трамптын уулу тарабынан жарыяланган твиттер жазышууларында кеп Орусия өкмөтүнө байланышы бар адвокат жөнүндө болгонуна көңүл бурушууда.

Макрон бир катар маселелерди, анын ичинде Сирия көйгөйүн чечүү үчүн Орусиянын президенти Владимир Путин менен кызматташуу маанилүү экенин билдирди. Француз президенти Башар Асад тууралуу айтып жатып, Париж бекем саясий чечимге жетишүү үчүн бардык тараптар менен тыгыз иштеше турганын билдирди. Ошол эле маалда француз лидери химиялык курал колдонууга жол берилбеши керектигин белгиледи.

Соңунда Макрон журналисттерге эки президент ортосундагы талкуулар бейформал жагдайда улана турганын айтты.

Булак: “Борбор Азия жаңылыктар кызматы”

Кошмо Штаттардын лидери бул тууралуу Франция президенти Эммануэль Макрон менен сүйлөшүүлөрдү өткөрүү үчүн Вашингтондон Парижге бара жатып учактын бортунда берген маалымат жыйыны учурунда билдирген.

Буга чейин АКШ президенти Дональд Трамп Орусиянын президенти Владимир Путин менен “жакшы тил табышканын” ишара кылган. CBN телеканалынын негиздөөчүсү Пэт Робертсонго курган маегинде америкалык лидер АКШ Орусия сыяктуу эле күчтүү өзөктүк держава экенин, ошондуктан бул эки мамлекетке “кандайдыр бир мамиленин” кереги жоктугун айткан.

АКШ президенти Дональд Трамп менен Орусиянын мамлекет башчысы Владимир Путиндин алгачкы жеке жолугушуусу “Чоң жыйырманын” Гамбург саммитинде кулуарда болуп, пландалган 35 мүнөттүн ордуна эки сааттан ашык убакытка созулган. Путин Кремль АКШдагы шайлоого кийлигишпегенин билдирген. Эки лидер бул маселенин тегерегинде 20-25 мүнөттөй сүйлөшүшкөн.

Булак: “Борбор Азия жаңылыктар кызматы”

Синьхуа агенттигинин маалыматына караганда, каттам Өзбекстанды Кытайдын чыгышындагы Цзянси провинциясы менен байланыштырып турат.

Поезд өткөн жума күнү Ганьчжоу шаарынан чыгып, Ташкентке 12 күндүн ичинде жетет деп күтүлүүдө. Ал Өзбекстанга жалпы баасы 1,8 миллион АКШ долларын түзгөн болот чыгырыктарды, кийим-кече жана күнүмдүк тиричиликте пайдаланылчу товарларды алып баратат.

Булак: “Борбор Азия жаңылыктар кызматы“

Провинциянын аталган райондорунда Раккадагы жана анын айланасындагы согуштук аракеттерден качып келген адамдар топтолушкан. Ал жактарда АКШ башында турган коалициянын колдоосу менен көтөрүлүшчүлөр «Ислам мамлекети» тобунун согушкерлерин сүрүп чыгаруу аракетин көрүүдө.

БУУнун маалыматы боюнча, ушул жылдын апрелинен бери Раккада 190 миңден ашык киши үйүн таштап кетүүгө мажбур болсо, 50 миңдейи курчоодогу шаарда калууда.

Провинциядагы жолдордун көбү анын административдик борбору Ракканы ИМ тобу басып алып, өзүнүн Сириядагы халифатынын борбору деп жарыялаган 2014-жылдан бери буулган бойдон калууда.

Булак: “Борбор Азия жаңылыктар кызматы”

CBN телеканалынын негиздөөчүсү Пэт Робертсонго курган маегинде америкалык лидер АКШ Орусия сыяктуу эле күчтүү өзөктүк держава экенин, ошондуктан бул эки мамлекетке “кандайдыр бир мамиленин” кереги жоктугун айтты.

Трамп Путин менен жолугушуусунун маанилүү жеткишкендиги катары Сириядагы согуш жүрүп жаткан аймактарда жарашуу тууралуу келишимге жетишкенин белгиледи. (АКШ Сириянын куралдуу оппозициясын, ал эми Орусия Башар Асаддын режимин колдоп келет).

Андан сырткары АКШ лидери Путин үчүн Кошмо Штаттардагы шайлоодо демократтардын талапкери Хиллари Клинтондун жеңип чыгышы пайдалуураак болмоктугун, анткени ал учурда коргонуу чыгашаларын көбөйтүүнү көздөп жатканын билдирди.

Трамп менен Путиндин алгачкы жеке жолугушуусу 7-июнда “Чоң жыйырманын” Гамбург саммитинде болуп, пландалган 35 мүнөттүн ордуна эки сааттан ашык убакытка созулган.

Булак: “Борбор Азия жаңылыктар кызматы”

Шерман бул талабын Трамп Орусиянын өткөн жылкы шайлоого ыктымал кийлигишүүсүн иликтөөнү жетектеген ФБРдин директору Комини кызматтан алып, мыйзамды одоно бузгандыгы менен түшүндүрдү.

Конгрессмен ФБРдин кызматтан алынган мурдагы директорунун айткандарына шилтеме кылууда. Ал президент улуттук коопсуздук боюнча мурдагы жардамчысы Майкл Флинндин Орусиянын өкүлдөрү менен болгон байланыштарын иликтөөнү токтотууга аракет кылганын айткан.

Бул Трамптын ыйгарым укуктарын мөөнөтүнөн мурда токтотуу тууралуу алгачкы мыйзам чегиндеги формалдуу демилге. Учурда аны болгону эки гана конгрессмен колдоп жатат. Демократтардын жетекчилиги мунун өз убагында жасалган кадам деп эсептебейт. Анткени импичмент сунушун төмөнкү палатанын көпчүлүк мүчөсү колдоп бериши керек. Бирок азыр анда республикачылар 46 добуш артыкчылыкка ээ. Оппозиция буга альтернатива катары Конгресске көз карандысыз комиссия түзүп, ага шайлоо өнөктүгү маалында Трамптын командасы менен Кремлдин ортосунда байланыш болгон-болбогонун аныктап чыгууну тапшырууну сунуштап жатат.

Ак үйдүн басма сөз катчысы Сара Хакаби-Сандерс калифорниялык демократтын сунушун «анык келесоолук» деп мүнөздөдү.

Булак: “Борбор Азия жаңылыктар кызматы”