Белорусиянын президенти Александр Лукашенко өзү төрөлгөн Александрия кыштагында “Купалье” фестивалына катышты. Бул жылы өлкө президентинин жанында чиновниктер менен кичүү уулу Колядан башка дагы кара чачтуу, сулуу бийкеч да отурду. «Наша Нива» басылмасынын жазганына караганда, ал кыз 21 жаштагы модель жана студентка Кристина Неверо, ал бир нече жолу көптөгөн конкурстардын лауреаты жана ЖОЖдордун бүтүрүүчүлөрү үчүн уюштурулган президенттик балдын катышуучусу болгон.

БРСМ өкмөттүк жаштар уюмунун сайтында  жарыялангандай Кристина комсомолка, активистка жана болочоктогу финансист.

Төмөндө Александр Лукашенко уулу Николай, вице-премьер Николай Корбут жана модель Кристина Неверо менен.

gazeta.ru сайтынан кыргызчаланды

Улуу Британиянын Уолсолл шаарында тарыхта биринчи жолу мусулман эркектер баш кошту. 24 жаштагы Жайд Чоудхури менен 19 жаштагы Шон Роганд 2015-жылдан бери мамиледе болуп келген, деп маалымдады «Express and Star» басылмасы.

Алар Чоудхури ыйлап отурган жерден Дарластон шаарынан таанышкан.

Бангладеш өлкөсүндө мусулман үй-бүлөдө өскөн Жайд бул тууралуу: «Отургучта ыйлап отурсам Шон капыстан келип, “бары жакшыбы?” деп сурады», – деди. Анын айтымында, ага жашоосундагы оор күндөрдө моралдык колдоо көрсөткөн Шон ар кандай кыйын учурларда дайыма жанында болуп келет.

Чоудхуринин айтымында, ал дайыма коомчулуктан бөлүнүп турчу. Ага эч качан футбол ойногон жакчу эмес. Анын ордуна сыналгыдан модага байланыштуу телеберүүлөрдү көргөн кызыктуу болчу. Жада калса атасы ага кыз таап берип, бирок эч кандай жыйынтык чыккан эмес. Айланасындагы адамдар аны дайыма жаман көргөнүн да сезип турчу.
Ал өзүнүн сексуалдык ориентациясын өзгөртүү максатында дары-дармектерди колдонуп, Сауд Арабиясына ажылыкка да барган. Мындай аракеттер менен өзүн өзгөртө алган эмес.

Чоудхуринин үй-бүлөсү үйлөнүү тойго катышкан жок. Анын пикиринде, бул кадам мусулман калкы жана ЛГБТ-коомчулугу үчүн өтө маанилүү кадам болот.

«Мындай кадам менен мен айланадагы адамдардын пикири маанилүү эмес экенин көрсөтөм. Менин үй-бүлөм азыркыга чейин бул оору, андан дарылануу керек деп эсептешет. Ушундай абалга кабылгандардын барына, бардыгы жакшы деп айткым келет. Биз дүйнөгө гей-мусулман болуу мүмкүн экенин көрсөтөбүз», – деди Чоудхури.
ЛГБТ аббревиатурасы англисчеден кыскартылып алынган. Лесбиянкаларды (Lesbian), гейлерди (Gay), бисексуалдарды (Bisexual) и трансгендерди (Transgender) түшүндүрөт.

Булак: “turmush.kg“

“Чоң жыйырмалыктын” саммитинин аянтында Россия президенти Владимир Путин биринчи жолу АКШнын президенти Дональд Трамп менен гана жолукпастан анын жубайы Меланья Трамп менен дагы жолугушту. АКШнын биринчи айымы менен россиялык президент бири-биринин колдорун кысышып учурашышты.

Экөөнүн таанышуусу кандай болгондугун «Газета.Ru» түзгөн фотобаяндан көрө аласыздар.

Көзү менен дүйнөнү багынткан Абаш

Эрик Лаффорг аттуу саякатчы эсинде калган учуру катары Эфиопиядагы сейрек кездешүүчү жаш бала менен жолуккан учурун айтып келет. Абаш аттуу жаш баланын күйүп турган асман өңүндөгү көздөрүнөн Эрик Лаффорг алгач көргөндө чочуп кеткенин айткан. Саякатчы бул бала жөнүндө кенен билгиси келип изилдөө жүргүзгөндө, 300 миң адамдын бирөөндө кездешүүчү Ваарденбург синдрому менен жабыркаары белгилүү болгон. Эрик Лаффоргдун жардамы менен Абаш белгилүү асман көздүү бала болуп дүйнөгө аты чыккан.

Сепкил беттүү сулуу

Америкалык модель Никиа Феникс бетиндеги майда кара тактарынын жашоосун башка багытка буруп койгондугун айтып келет. Бетинин чаар ала болгондугуна уялбастан, тескерисинче көпчүлүктөн айырмалуу экендигине сүйүнөт. Никиа кафеде кофе ичип отурган жеринен “Alternative Apparel” компаниясынын жетекчилигинен бирөө көрүп калып чогуу иштешүүгө чакырган. Ошол күндөн тартып белгилүү рекламалык компаниялардын жүзү болуп келүүдө.

Түн ханышасы

Суданда жарыкка келген Ниаким Гатвеч терисинин сейрек кездешүүчү өңү менен моделдик карьерасын баштап, сенсация жаратып жаткан учуру. 24 жаштагы африкалык моделди терисинин өңүнөн улам “Түн ханышасы” деп аташууда. Ниаким каралыгынан улам бир топ шылдың сөзгө да кабылып, баарына чыдап келгенин жашырбайт. Сулуу селки терисинин өңүн “бекем ишенимдин жана чоң сыймыктын түсү” деп эсептейт. Ал: “Мен эч кимге окшошпойм. Бул жөн эле көрүнүш эмес, бул Кудайдын берген белеги”, — деп сыймыктанып турат. Ниаким учурда АКШда жашап, подиумга чыгып, кара түстүү кыз-келиндердин укугун коргоп келет.

Кара барби

16 жаштагы Лола Чуил Лос-Анджелесте мектепте окуйт. Лола терисинин өзгөчөлүгү менен дүйнөнү таң калтырган кыздардын бири. Анын терисин көмүрдөй кара деп атап келишет. Бул өзгөчөлүгү менен белгилүү болуп “Кара барби” аткан конгон Лола 8 тилде эркин сүйлөөрүн да баса белгилеп коюшубуз керек.

Ала оорусуна чалдыккан модель

Канадалык фотомодель Винни Харлоу витилиго оорусу менен жабыркап келет. Бул оору теридеги пигменттердин бузулушу. Азырынча бул ооруга даба табылбагандыктан, Винни кол куушуруп отуруп калбай бул нерсени өзгөчөлүк катары алып чыгууну каалаган. Бул тилеги ишке ашып «Топ-модель по американски» аталышындагы ток-шоуга катышып, ал жерден 6-орунга илинген. Бул баштапкы ийгилигинен кийин келечектеги моделге сунуштар биринин артынан бири түшө баштаган.

Кокустан белгилүү болгон Томпсон

Карьераны эч ойлобогон Стивен Томпсон, келечекте ийгиликтүү адам болуп калаарын сезбесе керек. Кайсы бир фотографтын ийгиликтүү сүрөттөрүнүн бирине кокусунан түшүп калган Стивен жылдыз болуп чыга келген. Ал фотограф сүрөттөрдү журналдарга таратып жүрүп Стивендин сүрөтү талашка түшүп калат деп ойлогон эмес. 2011- жылы Стивен “Givenchy” мода үйүнүн жүзү болууга жетишкен. Бул күндөн тартып Стивен Томпсондун өзгөчө сулуулугуна зарыл болгондор көбөйүүдө.

Булак: “Фабула”