КООМ

“Атты аарыганда, эрди каарыганда көр,”-деген Улуу Кыргыз. Кемел Ашыралиев “Азия news” гезитинин (02.02.17.) № 05-санына жалайыктай, маанисиз, деңгээли төмөн маек бериптир. Журналист суроо берип бүтө электе, энтигип:

— Саясатта 22 жашымдан бери жүрөм. 76га келдим. Азыр да “такыр эле саясатка аралашпайм, кетем”- деп айта албайм. Ден-соолугуң болсо, айлана чөйрөнү зирек байкап турсаң, кырдаалды калыс баамдай билсең, анан саясаттан кетип, саясатка аралашпай коё албайт экенсиң. Кыскасы мени эч ким токтото албайт… — ​деп ээлириптир. Жолуң болгон Кемекем сексенди таяп калса да, дагы эле Президенттен бир нерсе үмүт эткендей кеп козгоптур.

Ат-Башылык калыс, калемгер байкем Дүйшөн Керимов:

— Илгери, советтик доордо Ош пединститутун бүтүп келип, Нарын облусунун “Нарын Правдасы” деген гезитине кабарчы болуп иштеп калдым. Ошондо Обкомпартиянын 1-катчысы Матен Сыдыковдун айтканы эсимде. “Өй нарындык туугандар! Ажаткана курсаңар боло. Чий менен бел курчооңорго чейин ажатканаңардын айланасын тосуп коюп, ичинен соксоюп башыңар чыгып, көчөнү карап отура берет экенсиңер. Аялдарыңарды айтпай эле коёюн, көчөдөн өткөн кишиге эркегиңер “салом алейки”-деп салам айтып, “базардан келе жатасыңбы, ириктердин баасы кандай болуп атыптыр…”-деп сүйлөшө берет экенсиңер. Уят го ушу ажатканада отуруп сүйлөшкөнүңөр… — ​деп, катуу сын айтып жүрүп, нарындыктардын жашоо тиричиликке болгон биртоп көз-карашын оңдогон… — ​деп боору эзилип күлүп жүрүп айтып калат. Эми, ким-кимге цивилизация жөнүндө кеп кылып жатканын байкап көрүңүз. Жарыктык Кемекемин дагы бир сөзүнө назар салыңыз:

— …А жерде (Бакиевдин заманын айтып жатат. автор) кичинекей эле “тишин” көргөзгөн кишини алып барып туруп тишин кагып, же башын алып салчу. …Бакиев Президент болгондон кийин мени көп эле жолу кабыл алды. Биз бир топ маселелерди эркин эле сүйлөшчүбүз… — ​дейт. Байкуш Кемекем, К. Бакиевге киргенде оозун колу менен жаап алып, тап-такыр ооз ачпай, эч нерсе суранбагандай айтыптыр. Оозун ачып суранганда Кемекемин тишин К. Бакиев капыс көрүп калса, азыр жарыктык карыя бери дегенде тиши жок калмак экен. “Көп эле жолу кабыл алды”-дегенине токтолсок, демек, Кемекем К. Бакиевдин эшигин көп эле жолу сагалап барган экен. А болбосо “Көп эле жолу чакырды, барбай койдум”-дейт беле. К. Ашыралиев өзүнүн деңгээли төмөндүгүн мындайча билдириптир: ”Кабинетиме сагаалап, кирген кишиден “Тогуз-Торонун акими келиптир. Жумушу бар экен” деп, улам айттырып атып араң кирчү. Киргенде болгон жумушу “Кемел байке, өкмөттүк жатаканага айтып, мага орун бердирип коюңузчу?”-дейт эле. “Мына ошондон орун бердиртип коюңузчу?”-деп жалдырап, мага кире албай турчу. Кемелбек Ашыралиев Нарын областында губернатор болгонбу же мейманкананын директору болгонбу? Жарыктык кишинин өмүр баянында Бакиевди кабыл албай койгону өтө олуутту маселе болгон экен. Ушул да айтыла турган сөзбү? Бул деңгээли менен Кемелбек Ашыралиев өзүнүн саясый деңгээлин, чыныгы жетекчилик көрөңгөсү жоктугун көрсөтүп коюптур? Андан көрө Нарын областында эмне реформа жасаганын мактанбайбы? Акаев ушул адамды кызматта көпкө кармабай туура эле кылган экен. Кемелбек Ашыралиев “Бакиев менен Сыдыков бийликке келгенде галош эле эмес, кан да жыттанып калган…”-деп көзү ачыктай маек бериптир. Капырай, “кан жыттанган” жерден үмүтү үзүлбөй, анда неге Бакиев менен Сыдыковдун эшигин “сагалап” өзү жүрдү экен. Орун басарлыктан жогору кызмат берип калабы деп үмүт менен барып жүргөн го.Ушуга таңмын.Кемекемин “күлүгү ушундай аарып, өзү ушундай карыптыр,” эмне дейбиз, аман эле болсун! “Тейитбектерди” көргөн кыргызга Кемекем ким болуп калыптыр. Өзүндөй чарбачы кишинин тили менен айтканда “Кой аксагы менен миң” эмеспи. Кемел байке, кыргызда “баланча жакшы карыптыр” деген жакшы сөз бар. Жаш балдардын (журналисттердин) айдактаганына алданып шилекейиңизди чачырата оңду-солду, ойду-тоону сүйлөй бербей карылыктын, калыстыктын доорун сүрүңүз Кемел байке. Кемел Ашыралиевдин сөзүнө караганда Кемелбек байке жакшы карыптыр деген сөздү каалайбыз. Аман болуңуз…

С. Арстанбеков,

Бишкек шаары

Булак: “Жаңы ордо”

Учурда министрдин орун басары болуп турган Данияр Абдыкаровдун артынан көп сөз ээрчип жүрөт. Алардын баштагыларын коюп акыркысына токтололу.

Үстүбүздөгү жылдын 16-январында жүк ташыган учак эл жашаган Дача-СУ аймагына кулап, ондогон адамдар каза болду. Өкмөт мүчөлөрү толугу менен кайгы болгон болгон жерде кырсыктын кесепеттерин тезинен жоюу аракеттерин көрүп жатса, Д.Абдыкаров ошол эле күнү саат 10до үй-бүлөсү менен Индонезиянын Бали деген аралына учуп кеткен. Д.Абдыкаров калк мертинген кандуу окуяны угуп-билип туруп, сатып алган авиабилетин күйүп кетет деп шылтоо менен эс алууга кете берген. Тынч уйкуда жаткан 38 мекендештин өлүмү, дагы бир канчалаган инсандардын кансырап жатканы Абдыкаровдун тоң жүрөгүнө жеткен эмес. Кол алдындагы коллегаларынын кан кечип, өрт кечип жүргөнүн уруп да койбогон мындай адамдын милициядагы жогорку кызматты ээлеп турууга моралдык укугу барбы?

Ал эми Абдыкаровдун кайсыл акчага тайраңдап эс алып жатканы да шектенүү жаратат. Себеби, милицияда иштеп тапкан айлыгы кыш чилдеде күнөстүү аралды аралап аялын жетелеп, бала-чакасын ээрчитип эс алганга жетпеси бышык го…

Угушубузга караганда, ал 2003-2004-жылдары “Бител” компаниясында иштеп турганда өтө көп суммадагы акчаларды чыгарып кеткен. Кезегинде “Азия Ньюс” гезитинин журналисти андан: “Сиз “Бителде” иштеп турганда 15 миллион АКШ долларын чыгарып кеткениңиз чынбы? А сизди “черныйлар” токмоктогонучу?..” деген суроого жооп бералбай мукактанганы эле эмнени каңкуулайт? Эми бүгүнкү кызмат абалынан пайдаланып, Индонезиянын Бале аралындагы офшордук банктарда арам акчаларын адалдап жүргөн жок деп ким кепилдик бере алат!?

Д.Абдыкаров 2010-жылдагы Апрель окуясында Таласта областтык милициянын жетекчисинин орун басары болуп турган. 6-апрель күнү Ак үй аркылуу министри И.Конгантиевди чакыртып алып, кийин көпчүлүккө салып берип качып кеткендигин, жаалданган элден коркуп качып баратып жанындагы жолдошун (милиция кызматкерин) буттан чалып жыгытып, көпчүлүк ага алаксып калганда өзү качып кутулуп кеткенин уламыш кылып айтып жүргөнүн уккандар гезиттерге жазып жатышат. 2010-жылы министрин сатып кеткен “замнач”, 2017-жылы деле министрин сатып кетиши толук ыктымал да!  Апрель окуясынан кийин 2 жыл Дубайда баш калкалап көнгөн неме мында деле эптеп кутулуп кетүүсү мүмкүн. Бирок, турмушта дайыма эле ойлогондой боло бербесин биле жүргөнү оң го!

Жакында ИИМДе коллегия өтөөрү айтылып жатат. Мында Д.Абдыкаров айланасында болуп жаткан коомдук тескери пикирлерге баа берилеби?! Мамлекеттик казынадан айлык алган, коомдук тартипти сактоого милдеттүү болгон органдагы башаламандыктар качан токтойт? Элден жыйналган салыктан Абдыкаровго окшогон атка минерлерди кармап туруунун зарылчылыгын Өкмөт аке ойлонсо болмок…

Кадыр Момоев

Булак: “Жаңы ордо”

Кочкор-Ата шаарындагы Луговая участкасында шаардык милиция бөлүмүнүн жаңы аймактык пункту жана шаардагы №17 үй-бүлөлүк дарыгерлер борборунун жаңы филиалы бүткөрүлүп пайдаланууга берилди. Шаардагы милициянын аймактык пункту менен ФАПтын филиалын үч айга жетпеген мөөнөттүн ичинде Кочкор-Ата шаарындагы Тариел Талиев жетектеген “Асуэнда” ЖЧКсынын куруучулары сапаттуу бүткөрүүгө жетишти. Бышык кыштан салынган бул заманбап имаратты бүткөрүүгө 1 млн. 900 миң сом каражат жумшалды. Кочкор-Ата шаарынын жалпы коомчулугу менен мекеме-ишканалардын жетекчилери ашар ыкмасында имаратты бүткөрүүгө ар тараптуу салымдарын кошушту.

-Мамлекет тарабынан кылмыштуулуктун алдын алуу жана жасалган кылмыштардын бетин ачуу  маселесине катуу көңүл бурулуп келе жатат. Былтыркы жылы милициянын 68 таяныч пунктары ачылды. Элибиздин бейпил турмушун камсыз кылуу жана кылмыштуулукка каршы багытталган иш-аракеттер мындан ары дагы күч алдырылат,- деди өкүл Кыянбек Сатыбалдиев.

-Милиция кызматкерлери үчүн элдин ишенимине ээ болуудан артык нерсе жок. Милиция менен эл эриш-аркак тыгыз иш алып барганда гана коомдук тартип камсыз кылынат жана кылмыштуулуктун саны азаят. Ошондуктан биз милиция кызматкерлери элге таянуу менен кылмыштуулуктун алдын алышыбыз керек. Эгерде кылмыштуулук жүз берсе биз аны тез арада ачууга жетишүүбүз керек. Ал эми бүгүнкү милициянын аймактык пунктунун жана ФАПтын жаңы имаратынын ачылышы мамлекет тарабынан элибизге көрүлүп жаткан камкордуктун айкын бир көрүнүшү,- деди КРнын ИИМнин орун басары, милициянын генерал-майору Курсан Асанов.

Милициянын жаңы аймактык пункту менен ФАПтын имаратынын ачылыш аземине арналган салтанатта “Кочкор-Ата айыл курулуш” АККнун  жетекчиси Тариел Талиевге жана Кочкор-Ата шаарынын мэри Кубанычбек Эгембердиевге Кыргыз милициясынын уюшулгандыгынын 90 жылдык төш белгиси тапшырылды. Мындан сырткары бир катар куруучулар жана Кочкор-Ата шаардык милиция бөлүмүнүн  кызматкерлери Жалал-Абад ОИИБнин Ардак грамотасы жана Алкыштары менен сыйланышты.

Кочкор-Ата шаарында ачылган жаңы аймактык пунктунда милициянын капитаны Нурбек Мажитов дагы бир кесиптеши менен ушул жерде иш алып барат. Милициянын аймактык пункту жайгашкан Кочкор-Ата шаардык №15 административдик аймагында 8715 адам же 2126  кожолук калк жашайт. Мунун ичинен 76 адам атайын каттоодо турат.

Шаардагы №17 ҮДТнун филиалы катары ишин баштап жаткан ФАПта адистиги терапевт дарыгер Алым Тойчиев, медайым Гүлнара Абдымомунова жана медайым кызматкер Карамат Касимова ушул аймактагы калктын ден соолугун коргоо жаатында иш алып барышат. Жаңы ачылган ФАПтын ак халатчан кызматкерлери 2500дөн ашуун ар кыл жаштагы жана улуттагы калктын ден соолугун коргоо жаатында иш алып барышат.

Бүгүнкү  күндө Кочкор-Ата шаарында 30 миңден ашуун көп улуттуу калк жашайт. Кыргызстандагы нефти менен газ өндүрүп чыгаруунун борбору менен очогу болуп саналган “Кыргызнефтегаз” ААКсы дагы Кочкор-Ата шаарында жайгашкан.

   Жолдошбай Осмонов, журналист

Кочкор-Ата шаарындагы Луговая участкасында шаардык милиция бөлүмүнүн жаңы аймактык пункту жана шаардагы №17 үй-бүлөлүк дарыгерлер борборунун жаңы филиалы бүткөрүлүп пайдаланууга берилди. Шаардагы милициянын аймактык пункту менен ФАПтын филиалын үч айга жетпеген мөөнөттүн ичинде Кочкор-Ата шаарындагы Тариел Талиев жетектеген “Асуэнда” ЖЧКсынын куруучулары сапаттуу бүткөрүүгө жетишти. Бышык кыштан салынган бул заманбап имаратты бүткөрүүгө 1 млн. 900 миң сом каражат жумшалды. Кочкор-Ата шаарынын жалпы коомчулугу менен мекеме-ишканалардын жетекчилери ашар ыкмасында имаратты бүткөрүүгө ар тараптуу салымдарын кошушту.

-Мамлекет тарабынан кылмыштуулуктун алдын алуу жана жасалган кылмыштардын бетин ачуу  маселесине катуу көңүл бурулуп келе жатат. Былтыркы жылы милициянын 68 таяныч пунктары ачылды. Элибиздин бейпил турмушун камсыз кылуу жана кылмыштуулукка каршы багытталган иш-аракеттер мындан ары дагы күч алдырылат,- деди өкүл Кыянбек Сатыбалдиев.

-Милиция кызматкерлери үчүн элдин ишенимине ээ болуудан артык нерсе жок. Милиция менен эл эриш-аркак тыгыз иш алып барганда гана коомдук тартип камсыз кылынат жана кылмыштуулуктун саны азаят. Ошондуктан биз милиция кызматкерлери элге таянуу менен кылмыштуулуктун алдын алышыбыз керек. Эгерде кылмыштуулук жүз берсе биз аны тез арада ачууга жетишүүбүз керек. Ал эми бүгүнкү милициянын аймактык пунктунун жана ФАПтын жаңы имаратынын ачылышы мамлекет тарабынан элибизге көрүлүп жаткан камкордуктун айкын бир көрүнүшү,- деди КРнын ИИМнин орун басары, милициянын генерал-майору Курсан Асанов.

Милициянын жаңы аймактык пункту менен ФАПтын имаратынын ачылыш аземине арналган салтанатта “Кочкор-Ата айыл курулуш” АККнун  жетекчиси Тариел Талиевге жана Кочкор-Ата шаарынын мэри Кубанычбек Эгембердиевге Кыргыз милициясынын уюшулгандыгынын 90 жылдык төш белгиси тапшырылды. Мындан сырткары бир катар куруучулар жана Кочкор-Ата шаардык милиция бөлүмүнүн  кызматкерлери Жалал-Абад ОИИБнин Ардак грамотасы жана Алкыштары менен сыйланышты.

Кочкор-Ата шаарында ачылган жаңы аймактык пунктунда милициянын капитаны Нурбек Мажитов дагы бир кесиптеши менен ушул жерде иш алып барат. Милициянын аймактык пункту жайгашкан Кочкор-Ата шаардык №15 административдик аймагында 8715 адам же 2126  кожолук калк жашайт. Мунун ичинен 76 адам атайын каттоодо турат.

Шаардагы №17 ҮДТнун филиалы катары ишин баштап жаткан ФАПта адистиги терапевт дарыгер Алым Тойчиев, медайым Гүлнара Абдымомунова жана медайым кызматкер Карамат Касимова ушул аймактагы калктын ден соолугун коргоо жаатында иш алып барышат. Жаңы ачылган ФАПтын ак халатчан кызматкерлери 2500дөн ашуун ар кыл жаштагы жана улуттагы калктын ден соолугун коргоо жаатында иш алып барышат.

Бүгүнкү  күндө Кочкор-Ата шаарында 30 миңден ашуун көп улуттуу калк жашайт. Кыргызстандагы нефти менен газ өндүрүп чыгаруунун борбору менен очогу болуп саналган “Кыргызнефтегаз” ААКсы дагы Кочкор-Ата шаарында жайгашкан.

   Жолдошбай Осмонов, журналист

“Көргөндөн көрө элегиң, билгенден биле элегиң көп” деген сөз тегин жерден айтылбаса керек.  Касиеттүү Таластын байманалуу журту да Кыргыз Өкмөтүнүн Талас облусундагы ыйгарым укуктуу өкүлү болуп Кенекеев Дайыр Атагулович  дайындалганда, «өзүбүздүн айгыр, өзүбүздүн жамгыр» деп  «маңдай жарыла» сүйүнгөнбүз.

Бирок, тилекке каршы, Таластыктардын  кубанычы узакка  созулган жок. Анткени Кенекеев Таласка «башчы» болуп келгенине  бир жылга  жетпеген  убакытта, «колунан кокон тыйын келбеген»  ала көөдөн жетекчи  экенин өз иштери менен  кашкайта далилдеди.  Ушул тапта  эки сөздүн  башын бириктирип,  экинчи класстын окуучусундай да өз оюн айтып бере албаган  Кенекеевге  эл  нааразы боло баш чайкап, «кызыл дипломдуу» жетекчиге кекиртектен тоюп турган убагы.

Ошентип  «эки  тизгин бир чылбыр» колуна  тийген  Атагул аксакалдын уулу бир замата эле, «Атагы алайга,  данкы далайга жетти». Жетекчи  башы менен « Иттин уулу байгара»  той берсе деле,  ошол жерге  жетип барып,  төр жакка тасмал салдырып, “Малевич” арак алдырып,  казы –картадан  тойгончо жеп, чучукка «тайгаланган» Дайырды  байкаган адам   түз эле ошол жерге  «түкүрүүдө» дешет. Талас облусунун  социалдык-экономикалык  көрсөткүчтөрүн  алга жылдыруу боюнча «чеке  жылытаарлык» иш кылбаса да,  тойлорго барып тайрандап  ичип жеп  берген жагынан  катыра кызмат кылганы, эл оозуна алынды.

Өзү иштин көзүн билбей туруп, ишбилги Талас шаарынын мэри Анарбек Канатовичке асылып, элге күлкү болгонун айтпай эле коёлу. Кыш жакындап келатканда “оңдойт элем” деп Талас шаарынын чоң көчөсүн талкалап салып, эми оңдолбой турат. Атайын иш сапар менен күзүндө  Таласка келген экс-президент  Роза Отунбаева да   жолдордун  акыбалын көрүп «жалгыз жолуңарды  омкоруп салыпсынар. Ужас!»  карапайым калкка боору ооруп баш чайкап кеткен  жагдайы бар.

Соттун чечимин «соолутуп», кадр кызматынын кадырына  «көлөкө түшүргөн» Кенекеев

2015-жылдын 21-декабрында көз карашы   ошол кездеги  Өкмөттүн  Талас облусу боюнча ыйгарым укуктуу өкүлү Байыш Жуманазаров  менен дал келбей калганы үчүн эле,  Апрель ынкылабынын Баатыры, Кара-Буура районунун экс-акими Төлөгөн Наралиевди «суу кечпеген шылтоолорду шынар кылып» жумуштан бошоткон жагдайы бар. Төлөгөн  Наралиев  сотко кайрылууга  мажбур болгон.

«Ак ийилет, бирок сынбайт» демекчи Талас облустук соту  Наралиев Төлөгөн  Байызбковичтин  кызматтан негизсиз бошогонун аныктап,  Өкмөттүн Талас облутук ыйгарым укуктуу  өкүлчүлүгүнүн  аппаратынын  укуктук камсыздоо жана кадрлар секторунун башкы  адиси кызматына кайрадан алынсын деген чечимин чыгарган.  Бирок Кенекеев Талас облустук сотунун  2016-жылдын  24- ноябрындагы  №ГД-117/16Т5 чечимин  ушул күнгө чейин, өзүмбилемдик кылып аткарбай келүүдө.

Ага чейин  мамлекеттик кадр кызматы да 2016- жылдын 20-январында  расмий кат жазып  Наралиевди кызматтан бошотууда  Кыргыз Републикасынын  мамлекеттик кызмат  жөнүндөгү мыйзамынын 31-беренеси  жана Эмгек  кодексинин  85-беренеси одоно бузулганын  билдирген.  Ошондой эле  Кыргыз Республикасынын  Өкмөтүнүн  Талас облусундагы ыйгарым укуктуу өкүлү Б.Жуманазаровдун 2015-жылдын 21-декабрындагы  буйругун  жокко чыгарып, Төлөгөн Наралиевди  мурда ээлеген кызматына кайтарууну талап кылган.

Кадр кызматын тейлеген  мамлекеттик органдын  талабын,  соттун  чечимин  аткарбай  койгондон кийин  Т. Наралиев Жогорку Кенештин  СДПК фракциясынын лидери Иса Өмүркуловго  кайрылган.  Иса Өмүркулов Премьер-министр  Сооронбай Жээнбековго  соттун чечими аткарылып, Наралиев кызматына турушун жана мыйзамды көз-көрүнөө тебелегендер жазага тартылышын талап кылганы менен  эч кандай жыйынтык чыкпады.

Башкаруучу СДПК партиясынын парламенттеги фракциясынын лидери Иса Өмүркуловду адам ордуна көрбөгөн Дайыр Кенекеев ким өзү?

Каныбек Абдырахманов, Талас облусу 

“Көргөндөн көрө элегиң, билгенден биле элегиң көп” деген сөз тегин жерден айтылбаса керек.  Касиеттүү Таластын байманалуу журту да Кыргыз Өкмөтүнүн Талас облусундагы ыйгарым укуктуу өкүлү болуп Кенекеев Дайыр Атагулович  дайындалганда, «өзүбүздүн айгыр, өзүбүздүн жамгыр» деп  «маңдай жарыла» сүйүнгөнбүз.

Бирок, тилекке каршы, Таластыктардын  кубанычы узакка  созулган жок. Анткени Кенекеев Таласка «башчы» болуп келгенине  бир жылга  жетпеген  убакытта, «колунан кокон тыйын келбеген»  ала көөдөн жетекчи  экенин өз иштери менен  кашкайта далилдеди.  Ушул тапта  эки сөздүн  башын бириктирип,  экинчи класстын окуучусундай да өз оюн айтып бере албаган  Кенекеевге  эл  нааразы боло баш чайкап, «кызыл дипломдуу» жетекчиге кекиртектен тоюп турган убагы.

Ошентип  «эки  тизгин бир чылбыр» колуна  тийген  Атагул аксакалдын уулу бир замата эле, «Атагы алайга,  данкы далайга жетти». Жетекчи  башы менен « Иттин уулу байгара»  той берсе деле,  ошол жерге  жетип барып,  төр жакка тасмал салдырып, “Малевич” арак алдырып,  казы –картадан  тойгончо жеп, чучукка «тайгаланган» Дайырды  байкаган адам   түз эле ошол жерге  «түкүрүүдө» дешет. Талас облусунун  социалдык-экономикалык  көрсөткүчтөрүн  алга жылдыруу боюнча «чеке  жылытаарлык» иш кылбаса да,  тойлорго барып тайрандап  ичип жеп  берген жагынан  катыра кызмат кылганы, эл оозуна алынды.

Өзү иштин көзүн билбей туруп, ишбилги Талас шаарынын мэри Анарбек Канатовичке асылып, элге күлкү болгонун айтпай эле коёлу. Кыш жакындап келатканда “оңдойт элем” деп Талас шаарынын чоң көчөсүн талкалап салып, эми оңдолбой турат. Атайын иш сапар менен күзүндө  Таласка келген экс-президент  Роза Отунбаева да   жолдордун  акыбалын көрүп «жалгыз жолуңарды  омкоруп салыпсынар. Ужас!»  карапайым калкка боору ооруп баш чайкап кеткен  жагдайы бар.

Соттун чечимин «соолутуп», кадр кызматынын кадырына  «көлөкө түшүргөн» Кенекеев

2015-жылдын 21-декабрында көз карашы   ошол кездеги  Өкмөттүн  Талас облусу боюнча ыйгарым укуктуу өкүлү Байыш Жуманазаров  менен дал келбей калганы үчүн эле,  Апрель ынкылабынын Баатыры, Кара-Буура районунун экс-акими Төлөгөн Наралиевди «суу кечпеген шылтоолорду шынар кылып» жумуштан бошоткон жагдайы бар. Төлөгөн  Наралиев  сотко кайрылууга  мажбур болгон.

«Ак ийилет, бирок сынбайт» демекчи Талас облустук соту  Наралиев Төлөгөн  Байызбковичтин  кызматтан негизсиз бошогонун аныктап,  Өкмөттүн Талас облутук ыйгарым укуктуу  өкүлчүлүгүнүн  аппаратынын  укуктук камсыздоо жана кадрлар секторунун башкы  адиси кызматына кайрадан алынсын деген чечимин чыгарган.  Бирок Кенекеев Талас облустук сотунун  2016-жылдын  24- ноябрындагы  №ГД-117/16Т5 чечимин  ушул күнгө чейин, өзүмбилемдик кылып аткарбай келүүдө.

Ага чейин  мамлекеттик кадр кызматы да 2016- жылдын 20-январында  расмий кат жазып  Наралиевди кызматтан бошотууда  Кыргыз Републикасынын  мамлекеттик кызмат  жөнүндөгү мыйзамынын 31-беренеси  жана Эмгек  кодексинин  85-беренеси одоно бузулганын  билдирген.  Ошондой эле  Кыргыз Республикасынын  Өкмөтүнүн  Талас облусундагы ыйгарым укуктуу өкүлү Б.Жуманазаровдун 2015-жылдын 21-декабрындагы  буйругун  жокко чыгарып, Төлөгөн Наралиевди  мурда ээлеген кызматына кайтарууну талап кылган.

Кадр кызматын тейлеген  мамлекеттик органдын  талабын,  соттун  чечимин  аткарбай  койгондон кийин  Т. Наралиев Жогорку Кенештин  СДПК фракциясынын лидери Иса Өмүркуловго  кайрылган.  Иса Өмүркулов Премьер-министр  Сооронбай Жээнбековго  соттун чечими аткарылып, Наралиев кызматына турушун жана мыйзамды көз-көрүнөө тебелегендер жазага тартылышын талап кылганы менен  эч кандай жыйынтык чыкпады.

Башкаруучу СДПК партиясынын парламенттеги фракциясынын лидери Иса Өмүркуловду адам ордуна көрбөгөн Дайыр Кенекеев ким өзү?

Каныбек Абдырахманов, Талас облусу 

Аксы районунун Жаңы-Жол айыл аймагында ушул кезге чейин маданият үйү менен балдар бакчасы жок. Кече, 18-январда өкүл Кыянбек Сатыбалдиев, Аксы районунун акиминин биринчи орун басары Эмилбек уулу Талантбек, областтык тармактардын бир катар жетекчилери менен биргеликте Аксы районуна болгон расмий иш сапарындагы кыдыруусунда Жаңы-Жол айыл аймагынын жашоочулары бир катар көйгөйлүү маселелерди ортого салышты. Жаңы-Жол айылы 1943-1950- жылдары Аксы районунун борбору болуп турган. Ал эми 2010-жылы айылдагы 300 орундуу маданият үйүнүн арткы дубалы кыйрап калгандыктан имарат толугу менен бузулган. Азыр ал жерде пролетариаттын улуу жол бащчысы В. И. Лениндин гана эстелиги турат. Азыркы учурда 400 орундуу 36 млн. сомдук жаңы маданият үйүнүн долбоору иштелип чыгып, акча каражатынын жоктугунан анын курулушу эки жылдан бери башталбай келет.

Өкүл Кыянбек Сатыбалдиев областтык жана райондук жетекчилер менен бирге маданият үйү курулуучу жайды жана балдар бакчасына берилүүчү оорукананын эсебинде турган имаратты бир сыйра көздөн кечирип чыгышты. Учурда Аксы районунун Жаңы-Жол айыл аймагында 1463 кожолук эл, же 7365 калк жашайт. Айыл аймагында 3 орто мектеп, бир негизги мектеп, 3 ФАП жана 1 үй-бүлөлүк дарыгерлер тобу иштеп жатат.

Жаңы-Жол айыл аймагынын жашоочуларынын областтык жана райондук жетекчилер менен болгон жыйынында жергиликтүү тургундар  маданият үйүнүн курулуш баштоо, 1 балдар бакчасын ачуу, электр зымдары тартылган чириген мамыларды алмаштыруу жана балдарга берилүүчү пособиелерди чыгарып аныктоодогу бир катар көйгөйлөрүн ортого салышты.

КРнын Маданият, маалымат жана туризм министринин областтагы өкүлү, КРнын Эл акыны Рхматулла Козукеев Жаңы-Жол айылындагы маданият үйүнүн курулушун баштоо быйылкы жылдын курулуштарынын тизмесине киргендигин билдирди. Ал эми бала бакчасынын маселеси боюнча айылдык оорукананын эсебиндеги пайдаланыбай турган имаратты капиталдык ремонтоодон чыгарып, ишке киргизүү маселеси колго алынмай болду. Бул максатта 3 млн. сом каражат талап кылынат.

Ак-Жол айыл аймагынын башчысы Бердалы Мурзакулов айыл аймагындагы 2830 электр линиясы тартылган мамылардын 450сү чириген абалда кулап калуу коркунучунда тургандыгын тынчсыздануу менен белгилеп, бул маселеде “Жалал-Абадэлектро” ААКсынан кандай жардам болоорун сурады.

-Бул маселе областын бардык аймагында оор көйгөй болуп жатат. 2016-жылы областтын район-шаарларында пландык иш чаранын негизинде 40 км. эскирген жыгач мамыларды алмаштырып чыктык. Быйылкы жылы дагы 40 км. аралыктагы эскирген мамыларды алмаштыруу максатын мерчемдеп жатабыз. Бул маселеде айыл аймактары менен тыгыз байланышта кызматташтыкта иш алып барууга биз ар дайым даярбыз,- деди “Жалал-Абадэлектро” ААКнын техникалык директору Сардарбек Мамашов.

-Бүгүн атайын Сиздер менен жеринде жолугушуп, көйгөйлүү маселелерди жеринде угуу максатында келдик. Маданият үйүн куруу областта курулуучу курулуштардын быйылкы жылдагы титулдук тизмесине кирген. Бул маселе областтык капиталдык курулуш башкармалыгы тарабынан тыкыр көзөмөлгө алынат. Ал эми балдар бакчасы боюнча оорукананын эсебинде турган имаратты айыл аймагынын эсебине алып, сапаттуу капиталдык ремонтоодон чыгарып ишке киргизүүнү Аксы райондук мамлекеттик администрациянын башчысы-аким жана айыл аймагынын жетекчилиги колго алышып, түрткү берүүчү гранттын эсебинен бүтүрүүнү болжоп жатышат. Жогору жакка сунушталган социалдык багыттагы долбоорлорду кынтыксыз сапаттуу иштеп чыгуубуз керек. Жергебизде тынчтык менен бейпилдик болсо, элибизде биримдик менен ынтымакчылык болсо, өлкөбүздө саясий туруктуулук болсо алдыбызга койгон бардык асыл ой-максаттарыбыз ишке ашат,- деди өкүл Кыянбек Сатыбалдиев.

Жолдошбай Осмонов, журналист