КРИМИНАЛДЫК ХРОНИКА ЖАНА ОКУЯЛАР

Эрол Эгректин билдиришинче, ал үй-бүлөсү менен Түркмөнстанга иштөө үчүн 2004-жылы барган. 2009-жылдын июлуна чейин «Чалык Гроуп» компаниясынын түрдүү объектилеринде электроника боюнча адис болуп иштеген. Андан сырткары Эгрек «Балкан» текстил фабрикасында, Кахкинск жибек ийрүүчү фабрикада жана «Түркмөнбашы» деген жынсы фабрикасында эмгектенген.

Эгрек «Чалык Гроуп» компаниясы аны негизсиз иштен алып, эч кандай компенсация төлөп бербегенин билдирүүдө. Айтымында, ал өз кызыкчылыгын сотто коргоого аракет кылган, бирок компания буга эч кандай тиешеси жок экенин айтып, өлкөнүн Текстиль өнөр жайы министрлигине кайрылуусу керектигин билдирген.

Мындай жооптон кийин түрк жараны Түркмөнстандын президенти Гурбангулы Бердымухамедовго жана тармактык жетекчилерге кайрылып, 80 миң долларга баалаган коменсациясын алууга жардам берүүсүн өтүндү.

Бул иш боюнча «Чалык Гроуп» компаниясынан жана Текстиль өнөр жайы министрлигинен комментарий алууга мүмкүн болгон жок.

Булак: “Борбор Азия жаңылыктар кызматы”

Калаа башчысы кармалганга чейин анын иш бөлмөсүндө бир нече саат тинтүү жүргүзүлгөн. Мэрия имаратынын алдында Киртоакэнин тарапташтары менен каршылаштары митингге чыгышты. Алардын жарымы «Мэрге эркиндик!» деп кыйкырып жатышса, экинчи тобу «Камалыш керек!» деген ураандарды айтышууда. Киртоакэнин өзү болсо бул боюнча комментарий берүүдөн баш тартты.

Мурдараак Кишиневдун эки вице-мэри, шаардык транспорт башкармалыгынын башчысы жана транспорт министри камакка алынган. Алардын баары тең Киртоакэ төрага орун басары эсептелген европачыл Либералдык партиянын мүчөлөрү.

Дорин Киртоакэ Молдованын борбору Кишиневду 2007-жылдан бери башкарып келген.

Булак: “Борбор Азия жаңылыктар кызматы”

Ал мурдагы кызматкерлердин тобу кармалганын ырастады, бирок кылмыш иши боюнча тергөө аяктай электигин жүйө келтирип, бул боюнча комментарий берүүдөн баш тартты. Учурда ишти атайын түзүлгөн тергөө тобу карап жатат.

Агенттик ошондой эле мекеме башчысынын мурдагы орун басарынын ата-энесинин үйүнөн 35 млн доллар, ал эми экс-тергөөчү Фируз Холмуродзоданын үйүнөн 1,3 млн доллар жана 6 килограмм алтын табылгандыгы тууралуу билдирүүлөрдү да четке какты.

Султанзоданын айтымында, мекеменин мурдагы тергөөчүсү Фирдавс Ниёзбадаловдун бункеринде капка салынган акча, алтын жана баалуу таштар табылгандыгы тууралуу маалыматтар да чындыкка дал келбейт.

Апрелдин аягынан бери Тажикстанда антикоррупциялык мекеменин мурдагы жана учурдагы аткаминерлери кармалууда. Булактардын маалыматына караганда, ушул күнгө чейин агенттиктин жети экс-кызматкери камалгандыгы ырасталган.

Булак: “Борбор Азия жаңылыктар кызматы”

Полиция өкүлү кеп кылмыштуу топ жөнүндө болуп жатканын жана полиция бүткүл Манчестер боюнча күчөтүлгөн тартипте издөө иштерин алып барып жатканын билдирди.

Улуу Британиянын ички иштер министри Эмбер Радд Манчестердеги теракт “мурдагылардан кыйла курч мүнөзгө ээ болгонун жана анын аткаруучусу жалгыз иштебегендигин» билдирди.

Буга чейин полиция Манчестердин батышындагы Виган шаарчасында бешинчи шектүү кармалганын билдирген. Колго түшүрүү маалында анын колунда баштык болгон, учурда ичинде эмне болгондугу такталууда.

23-майга караган түнкү жардыруу үчүн “Ислам мамлекети” экстремисттик тобу жоопкерчилик алган. Кандуу окуя миңдеген адамдар чогулган концерттен кийин болгон. Теракттын уюштуруучусу теги Ливиялык, бирок Манчестерде туулган 22 жаштагы Салман Абеди экендиги аныкталган. Терактка шектелип Улуу Британияда кармалган беш адамдын арасында анын Исмаил аттуу бир тууганы да бар. Ал ортодо Ливиянын күч түзүмдөрү Триполиде Салман Абединин атасы жана дагы бир бир тууганы камакка алынганын маалымдашты.

Манчестердеги теракттан улам америкалык ырчы Ариана Гранде «Коркунучтуу аял» аттуу дүйнөлүк турнесин убактылуу токтотту. 22-майдагы жардыруу анын концертинен кийин уюштурулган.

Булак: “Борбор Азия жаңылыктар кызматы”

Маалыматтарга караганда, америкалык ММКлар алгач ыктымал жанкечтинин ысымын (Салман Абеди) Манчестер полициясынын каршы чыкканына карбай жарыялап, иликтөөгө тоскоол жараткан. Кийинчерээк New York Times гезити жардыруучу заттын сүрөтүн жарыялап, анын кантип жасалгандыгы тууралуу кабарды жарыялаган. Бул маалыматтарды АКШ бийлиги британ бийлигинен алган, Улуу Британиянын ички иштер министри Амбер Радд Акүйгө материалдарды жарыялоого болбой турганын айткан.

Telegraph билдиргендей, британ өкмөтү катуу ачууланууда. Улуу Британиянын премьер-министри Тереза Мэй маалыматтын чыгып кетүүсү жөнүндөгү маселени Брюсселдеги саммитте АКШ президенти Дональд Трамп менен жолугушууда талкуулай турганы күтүлүүдө.

Манчестердеги теракт 22-майда болгон. Жанкечти америкалык ырчы Ариана Гранденин концерти бүтөр замат бомба жардырган. Жоопкерчиликти “Ислам мамлекети” тобу өз мойнуна алды. Кол салуучу Салман Абеди Ливияда туулган. Күн мурун Ливия бийлиги анын атасын жана агасын кармаган.

Булак: “Борбор Азия жаңылыктар кызматы”

Бул иштин алкагында Мухтар Аблязовго кылмыштуу топ түзүү жана аны башкаруу, кызмат абалын кыянат пайдалануу, БТА Банктан акча уурдоо жана банктын каражаттарын мыйзамсыз пайдалануу айыптары тагылган.

Чет өлкөдө жашап жүргөн Аблязов айыптарды четке кагып, кылмыш иши саясий негизде козголгонун билдирүүдө. Саясатчы Казакстан бийлигин андан ошол кезде активдери боюнча өлкөдөгү ири коммерциялык банк болуп турган БТА Банкты тартып алган деп айыптоодо.

Tengrinews сайтынын маалыматына караганда, прокурор соттон Аблязовго карата кошумча жаза катары банк ишмердүүлүгү менен алектенүүгө үч жылга тыюу салуу жана 300 бир айлык эсептик көрсөткүч (680 миң тенгенден ашык) өлчөмүндөгү айып төлөтүүсүн өтүндү.

Сот отурумунда БТА Банктын өкүлү Еркин Баймагамбетов прокурордун позициясын колдой турганын билдирди. Сот 15 саатка чейин тыныгуу жарыялады.

Булак: “Борбор Азия жаңылыктар кызматы”

22-майда Британиянын Манчестер шаарындагы “Манчестер Арена” концерт залынын кире беришиндеги жардыруудан өлгөндөр саны 22ге жетти, алардын арасында сегиз жашар кыз бар. Жарадарлар 59 болсо, 12си балдар.

Шаар полициясы жанкечти өзү да өлгөнүн бышыктоодо.

Жардырууга жоопкерчиликти “Ислам мамлекети” террордук тобу алып, чабуулду өз мүчөлөрүнүн бири ишке ашырганын маалымдоодо.

Шейшембиде британ полициясы Манчестердеги жардырууга байланыштуу 23 жаштагы жигитти кармагын жарыялаган.

Кандуу окуядан кийин британ саясий партиялары 8-июнда өтүүчү парламенттик шайлоого карата үгүт өнөктүктөрүн токтото турууну чечишти.

Булак: “Борбор Азия жаңылыктар кызматы”

Анын белгилешинче, “102” номуруна Токтогул Сатылганов атындагы Улуттук филармониянын жанында шектүү нерсе жатканы тууралуу телефондук билдирүү түшкөн. Милициянын жана атайын кызматтын өкүлдөрү окуя болгон жерди курчоого алган.

Ал жерде шектүү куту табылып, УКМКнын саперлору аны жок кылды:

– Кутунун ичинен колго жасалган жардыруучу заттын окшоштурулган көчүрмөсү, муляж табылып, ал жок кылынды, – деди Сулайманов.

Окуяны күч органдары териштире баштады.

Учурда бул окуя интернетте катуу талкууланып, айрымдар Улуттук филармониянын жанында жардыруу болду деген божомолун айтууда.

Булак: “Борбор Азия жаңылыктар кызматы”

Булактардын маалыматына караганда, ал 9-май күнү кечинде мас абалында унаа айдап баратып Фергана шаарынын борборунан эки адамды сүзүп алган. Алардын бирөөсү ошол жерде, экинчиси ооруканада каза болгон.

Алтыарык РИИБсинин атын атагысы келбеген кызматкери Расулжон Юлдашевдин кызматтан алынгандыгын ырастады. Учурда анын иши тергөөдө.

Кылмыш ишин Фергана шаардык прокуратурасы тергеп жатат. Мекемеден Расулжон Юлдашевге карата кылмыш иши козголгонун четке кагышкан жок. «Мындан башка эч нерсе айта албайм. Кененирээк прокуратурага келсеңер айтып беребиз, телефон аркылуу маалымат берилбейт», – деди прокуратура өкүлү.

Булак: “Борбор Азия жаңылыктар кызматы”