БОРБОРДУК АЗИЯДА

Хуршед Жабборзода Башкы прокуратурада жарандык, экономикалык, үй-бүлөлүк жана административдик сот актыларынын мыйзамдуулугуна көзөмөл жүргүзүү башкармалыгынын башчысынын орун басары болгон.

“Азаттыктын” тажик кызматы кабарлагандай, Жабборзода эки жыл мурун Башкы прокуратурага Мамлекеттик каржы көзөмөлү жана коррупцияга каршы күрөшүү агенттигинен келген. Ал антикоррупциялык мекеменин буга чейин камалган кызматкерлеринин көрсөтмөсү менен кармалган. Хуршед Жабборзода документтерди жасалмалоого айыпталууда.

Учурда Мамлекеттик каржы көзөмөлү жана коррупцияга каршы күрөшүү агенттигинин мурдагы жана азыркы жети кызматкери камакта. Алардын иши менен атайын түзүлгөн иликтөө тобу алектенүүдө.

Булак: “Борбор Азия жаңылыктар кызматы”

Өзбекстандын Мусулмандар дин башкармалыгы билдиргендей, съездге 1200дөн ашык имам, диний уюмдардын кызматкерлери жана мугалимдер катышат. Съезддин делегаттары өлкөдөгү диний билим берүүнү жакшыртуу маселелерин талкуулашат.

Мирзиёевдин катышуусундагы ооз ачуу кечеси 15-июнда Ташкенттеги “Навруз” ресторанында болот. Мурдагы жылдары өлкөдө коомдук жайларда ифтар өткөрүүгө тыюу салынып келген. Быйыл бул чектөө алынып салынганы менен Өзбекстандын Мусулмандар дин башкармалыгы жамааттык ифтарларга каршы чыгып, мусулмандарды үйдө ооз ачууга чакырып келет.

Булак: “Борбор Азия жаңылыктар кызматы”

Бул даражасынын улуулугу жагынан прокуратура жана юстиция органдарындагы эң жогорку чин болуп эсептелет. Өлкө президентинин администрациясынын сайтында бул тууралуу эч кандай маалымат жок. «Азаттыктын» тажик кызматынын өз булактары кабарлашкандай, мамлекет башчы тиешелүү жарлыкка 25-майда кол койгон.

38 жаштагы юридика илимдеринин кандидаты Озода Рахмон өткөн жылы Тажикстандын президенттик аппаратынын аткаруу бөлүмүнүн жетекчиси кызматына дайындалган.

Толук ыйгарым укуктуу элчи дипломатиялык даражасына ээ Озода ага чейин Тажикстандын АКШдагы элчилигинде иштеген, 2009-жылы өлкөнүн тышкы иштер министринин биринчи орун басары кызматына дайындалган.

Булак: “Борбор Азия жаңылыктар кызматы”

Эки жыл мурда БУУнун аялдарды басмырлоо көрүнүштөрүн жоюу комитети Казакстан 34 жаштагы Анна Белоусованын укуктарын бузган деген чечим чыгарып, мамлекетти анын укуктарын калыбына келтирүү үчүн тиешелүү иштерди аткарууга чакырган. Укук коргоочулар билдиришкендей, бирок бийлик тарабынан эч кандай чара көрүлгөн эмес.

Буга чейин Анна Белоусованын 1999-жылдан бери айылдык мектепте гардеробчу болуп иштеп, жыл сайын келишими узартылып келгендиги кабарланган. Бирок 2010-жылы мектепке жаңы директордун келиши менен абал өзгөрүп, кийин Белоусова аны сексуалдык ыдык көрсөтүүгө айыптап чыккан. Айтымында, жаңы жетекчи андан интимдик мамилелерди талап кылган.

Директордун өзү Белоусованын ыдык көрсөтүү жана акча талап кылуу боюнча айыптоолорун четке каккан. 2011-жылы ал соттон утуп чыгып, Анна Белоусова эл алдында директордон кечирим суроого жана сот чыгымдарын төлөп берүүгө милдеттендирилген.

Булак: “Борбор Азия жаңылыктар кызматы”

Мугалимдердин атынан «Азаттыктын» өзбек кызматынын редакциясына жөнөтүлгөн катта айтылгандай, 11-июнда дем алыш күн экенине карабастан Ташкент медициналык колледжинин кызматкерлерин жумушка чыгууга мажбурлашып, аларга мындан ары эс алуусуз жана эмгек өргүүсүз иштей тургандыктарын билдиришкен.

– Мурдагы директор иштен алынды, жаңысы дайындала элек. Колледжде дагы деле текшерүү иштери жүрүп атат. Чогулуштарда Жасурдун өлүмүнө дайыма бизди, мугалимдерди күнөөлөп, анын каза болушуна биздин көңүл коштугубуз себеп болгонун айтып келатышат. Текшерүүлөрдөн чыдамыбыз түгөнүп баратат, – деп жазылган катта.

Анткен менен окуу жайдын жетекчилиги мугалимдерге сөзсүз эс алуу күндөрү жана эмгек өргүүсү бериле турганын билдирүүдө. “Анан да аларды эч ким айыптап, басым жасаган жок. Прокуратура бардыгын текшерип жатат, күнөөлүүлөрдү сот аныктайт, – деп билдиришти окуу жайдын жетекчилигинен.

Буга чейин бул иш боюнча бир нече киши кармалган. 4-июнда Ташкенттин жүздөгөн тургуну бийликтен күнөөлүүлөрдү жазалоону талап кылып көчөгө чыгышкан.

Булак: “Борбор Азия жаңылыктар кызматы”

Жергиликтүү ММКлар лицензияны узартуу боюнча сүйлөшүүлөр майдын ортосунан бери уланып келатканын билдиришүүдө. Маалыматка караганда, 1-июлга чейин жаңы келишим түзүлбөсө, байланыш операторунун лицензиясы жараксыз болуп калат.

«Азаттыктын» түркмөн кызматынын өкмөттөгү өз булагы кабарлагандай, түркмөн тарап учурда МТС компаниясына карата кошумча киреше салыгын киргизүүнү көздөп, бул боюнча кызуу сүйлөшүүлөр жүрүүдө.

Орусиялык оператор буга чейин да Түркмөнстандын аймагында кызмат көрсөтүү келишиминин мөөнөтү аяктагандыгына байланышкан көйгөйлөргө кабылган. МТС 2011-жылы Түркмөнстандагы ишинин токтогондугунан улам келтирилген чыгымдарды 600 миллион АКШ долларына баалап, бул сумманы түркмөн өкмөтүнөн өндүрүп алуу талабы менен эл аралык сотторго кайрыла турганын билдирген. Бирок түркмөн бийлиги компенсация тууралуу талаптарды аткаруудан баш тарткан.

Орусиялык оператордун Түркмөнстандагы ишмердүүлүгү 2012-жылы октябрда калыбына келтирилген. Жаңы макулдашууларга ылайык, МТС «ТүркмөнТелекомго» ар айлык таза кирешесинин 30% төлөп туруу милдеттенмесин алып, ага чейинки дооматтарынан баш тарткан.

Булак: “Борбор Азия жаңылыктар кызматы”

Сешнс өзүнүн президент Дональд Трамп менен болгон сүйлөшүүлөрү тууралуу түшүндүрмө берүүдөн баш тартты. Бирок ал өлкө башчы менен ошол кездеги ФБРдин директору Жеймс Коминин позициясын талкуулаганын жана тергөө мекемесин жаңылоо зарыл деген жыйынтыкка келишкенин айтты.

Учурда АКШнын юстиция министрлигин жетектеп турган Сешнс — шайлоо өнөктүгү маалында Орусия менен болгон ыктымал байланыштары Сенаттагы атайын комиссия тарабынан тыкыр иликтенип жаткан жогорку кызматтагы аткаменирлерди бири.

Учурда америкалык чиновниктер менен Орусиянын расмий адамдарынын байланыштары боюнча ФБР дагы тергөө иштерин жүргүзүүдө.

Өткөн аптада Сенаттын чалгындоо комитетинде ФБРдин мурдагы директору Жеймс Коми көрсөтмө берген. Анда ал Орусия бийлигинин АКШдагы шайлоо процессине кийлигишүү ниети болгонун жана аны ишке ашырууга аракет кылганын айткан. Анткен менен тергөө мекемесинин мурдагы башчысы бул боюнча эч кандай далилдерди келтирген эмес. Анын айтымында, жүздөгөн кибер чабуулдардын алгачкысы 2015-жылы күзүндө жасалган.

Андан тышкары Коми Трамп менен сүйлөшүүсү тууралуу айтып, анын жүрүшүндө президент коопсуздук маселелери боюнча жардамчысы Майк Флинге карата башталган тергөө иштери токтотулат деген үмүтүн билдиргенин кошумчалаган.

Булак: “Борбор Азия жаңылыктар кызматы”

Колу-буту сынгандар ооруканага жеткирилди.

Шаардык прокуратуранын өкүлү Исмоили Сомони бул факт боюнча тергөө жүрүп жатканын, шалаакылыкка жол бергендер жазаланарын билдирди.

Окуяга күбө болгондордун айтымында, “Лодка” аттракционуна нормадан көп — 24 адамды киргизишкен. Аттракциондун конструкциясы чоң салмакты көтөрө албай сынып кеткен. Жабыр таркандардын баары жаштар, алар Тажикстан-Филиппин футбол курамаларынын оюнунан кийин паркка барышкан.

Парктын кызматкерлери аттракцион Кытайдан алынып келингенин, 20 күн мурун эле орнотулганын билдирди.

Булак: “Борбор Азия жаңылыктар кызматы”

Медиктердин маалыматы боюнча, алар бир ай бою пахтаны отоо, түптөө иштерине катышышкан. “Жекшембиде бизди көчөлөрдү тазалоого жөнөтүштү. Ал гана эмес түнкү нөөмөт учурунда дагы пахтаны отоо же көчөлөрдү тазалоо иштерине мажбурлашат. Биз талаада иштебей, элди дарылашыбыз керек!”,-деп айтылат медициналык кызматкерлердин жамааттык катында.

Медайымдардын бири башкы дарыгер айыл чарба же тазалоо иштерине катышуудан баш тарткан кызматкерлерди иштен алам деп коркутканын билдирди.

Тураккурган медициналык мекемесинин башкы дарыгери Икболжон Каримжонов дарыгерлер менен медайымдар пахта отоого чыгышарын тастыктады. Бирок талаа жумуштарына бир-эки сапар гана өз каалоолору менен барышканын айтты.

Өзбек бийлиги айдоо аянттарындагы отоо чөптөрдү тазалоого жана пахта терүүгө окуучуларды, дарыгерлерди, артисттерди мажбурлап чыгарат деп укук коргоочулардын сынына кабылып келет. Элеттиктерде кык чогулткан учурлар да болуп турат.

Булак: “Борбор Азия жаңылыктар кызматы”