Түркмөнстанда өлкөнүн аскердик түзүмдөрү менен укук коргоо органдарына көз каранды болбогон атайын коррупцияга каршы күрөшүү комитетин түзүү иштери башталды.
Маалыматка караганда, жемкорлукка каршы күрөшүү боюнча жаңы түзүм ири ыйгарым укуктарга ээ болот. Өз кезегинде мунун паракорчулукка байланышкан камакка алуулардын санынын кыйла көбөйүшүнө алып келиши мүмкүндүгү айтылууда.
«Укук коргоо органдарынын кызматкерлеринин арасында жемкорлукка каршы күрөшүү боюнча жаңы комитетти ким башкарат жана ал кызматка дайындалуу үчүн канча пара берилиши мүмкүндүгү тууралуу кептер болууда», – деди түркмөн өкмөтүндөгү өз булак.
12-майда президент Гурбангулы Бердымухамедов Мамлекеттик коопсуздук кеңешинин башчысы менен парламент (Межлис) төрагасына жемкорлукка жана паракорчулукка каршы күрөшүү боюнча атайын комиссия түзүүнү тапшырган. Жергиликтүү ММКлар билдиришкендей, Межлис өлкөдөгү коррупцияга каршы күрөшүү боюнча комплекстүү программа түзүү үчүн бардык чараларды көрүүдө.
Булак: “Борбор Азия жаңылыктар кызматы”