БОРБОРДУК АЗИЯДА

Бул иштин алкагында Мухтар Аблязовго кылмыштуу топ түзүү жана аны башкаруу, кызмат абалын кыянат пайдалануу, БТА Банктан акча уурдоо жана банктын каражаттарын мыйзамсыз пайдалануу айыптары тагылган.

Чет өлкөдө жашап жүргөн Аблязов айыптарды четке кагып, кылмыш иши саясий негизде козголгонун билдирүүдө. Саясатчы Казакстан бийлигин андан ошол кезде активдери боюнча өлкөдөгү ири коммерциялык банк болуп турган БТА Банкты тартып алган деп айыптоодо.

Tengrinews сайтынын маалыматына караганда, прокурор соттон Аблязовго карата кошумча жаза катары банк ишмердүүлүгү менен алектенүүгө үч жылга тыюу салуу жана 300 бир айлык эсептик көрсөткүч (680 миң тенгенден ашык) өлчөмүндөгү айып төлөтүүсүн өтүндү.

Сот отурумунда БТА Банктын өкүлү Еркин Баймагамбетов прокурордун позициясын колдой турганын билдирди. Сот 15 саатка чейин тыныгуу жарыялады.

Булак: “Борбор Азия жаңылыктар кызматы”

Шахритус районундагы борбордук мечиттин имамы Хисомиддин Муродов бул демилгени жергиликтүү активисттер көтөрүп чыкканын билдирди. Имамдын айтымында, алар террорчулардын катарында согушуп жүргөндөрдүн туугандары менен сүйлөшпөөгө, тойлоруна, тажыяларына барбоого чакырып жатышат.

Жергиликтүү адвокат Гулом Бобоев жоочулардын туугандарын айылдан көчүрүү сунушун колдобойт. «Алардын ата-энелери менен туугандары күнөөлүү эмес. Чет өлкөлөрдө согушуп жүргөн шахритустуктар эчак эле чоң киши болушкан, өз кылгандары үчүн өзүлөрү жооп бериши керек. Бул сунуш мыйзамсыз», – деди ал.

Шахритустун 40 чамалуу тургуну, анын ичинде бир аял Ирак менен Сирияда «Ислам мамлекети» тарапта жүрөт. Атайын кызматтагылардын маалыматы боюнча чет өлкөлөрдөгү согуштарда райондун бир канча жашоочусу курман болгон.

Булак: “Борбор Азия жаңылыктар кызматы”

Ал мурдагы кызматкерлердин тобу кармалганын ырастады, бирок кылмыш иши боюнча тергөө аяктай электигин жүйө келтирип, бул боюнча комментарий берүүдөн баш тартты. Учурда ишти атайын түзүлгөн тергөө тобу карап жатат.

Агенттик ошондой эле мекеме башчысынын мурдагы орун басарынын ата-энесинин үйүнөн 35 млн доллар, ал эми экс-тергөөчү Фируз Холмуродзоданын үйүнөн 1,3 млн доллар жана 6 килограмм алтын табылгандыгы тууралуу билдирүүлөрдү да четке какты.

Султанзоданын айтымында, мекеменин мурдагы тергөөчүсү Фирдавс Ниёзбадаловдун бункеринде капка салынган акча, алтын жана баалуу таштар табылгандыгы тууралуу маалыматтар да чындыкка дал келбейт.

Апрелдин аягынан бери Тажикстанда антикоррупциялык мекеменин мурдагы жана учурдагы аткаминерлери кармалууда. Булактардын маалыматына караганда, ушул күнгө чейин агенттиктин жети экс-кызматкери камалгандыгы ырасталган.

Булак: “Борбор Азия жаңылыктар кызматы”

Түркмөнстан парламентинин Мыйзам чыгаруу жана ченемдер боюнча комитетиин төрагасы Сердар Бердымухамедов Татарстан парламентинин башчысы Фарид Мухаметшин менен жолугуп, «Орусия — ислам дүйнөсү: KazanSummit-2017» жана мусулмандардын «Изге Болгар жыены» деп аталган IX эл аралык экономикалык форумга катышты.

Түркмөнстан президентинин уулунун Татарстан мамлекеттик ишмерлери менен болгон жолугушуусу түркмөн мамлекеттик ММКларында кеңири чагылдырылды.

Сердар Бердымухамедов түркмөн парламентинин комитет башчылыгына болгону эки гана ай мурда келген. Ага чейин үч айга жакын убакыт парламент депутаты болгон.

Булак: “Борбор Азия жаңылыктар кызматы”

12-13-май күндөрү Шымкентте өткөн Ташкент товар өндүрүүчүлөрүнүн көргөзмөсүнө катышкан Салохиддин Зайнудиннов Казакстанда өз товарын кыйла кымбатка сатканын айтууда. «Алсак, бизде 85 миң сум (жети миң тенге же 22-23 доллар) турган азембелекти, Шымкентте 450 миң сумдан (35 миң тенге же 113 доллар) сатууга болот. Шымкенттеги көргөзмө тууралуу укканда абдан сүйүндүк. Бул бизнесибиздин өнүгүшү үчүн жаңы мүмкүнчүлүк», – деди ал.

Өзбекстанда жол чырактарын жана жол белгилерин өндүрүү менен алектенген Сергей Трахтенберг президент Мирзиёевдин саясаты Казакстан менен соода мамилелерди жакшыртууга көмөктөшөт деген үмүттө.

Ошол эле маалда Түштүк Казакстан облусунун Ишкерлик, индустриалдык-инновациялык башкармалык жана туризмди өнүктүрүү бөлүмүнүн башчысы Хикматулла Раимбеков өзбек товарларынын арзан экенин айтып, ата мекендик базарды коргоо зарылдыгын белгиледи. «Эгер өзбек товарлары казак базарына кое берилсе, анда казак товар өндүрүүчүлөрү үчүн коркунуч жаралышы мүмкүн. Өзбек товарлары кыйла арзан», – деди аткаминер.

Соода-өнөр жай палатасынын Ташкент башкармалыгынын жетекчиси Улугбек Абдуллаев тескерисинче, эркин соода мамилелерин колдойт. Ал учурдагы товар алмашуу көлөмүн «канааттандыраарлык эмес» деп баалайт. Айтымында, ушул жылдын мартында келишимге кол коюлгандан кийин Өзбекстан менен Казакстанда биргелешкен ишканаларды ачууга жаңыча көз караш пайда болду. Кыска убакыттын ичинде эки өлкө ортосундагы товар алмашуу дээрлик 30 пайызга көбөйгөн.

Булак: “Борбор Азия жаңылыктар кызматы”

Борбордук банктын аткаминеринин бири кабарлагандай, Муллажановду акыркы сапарга узатууга өлкө президенти Шавкат Мирзиёев, премьер-министр Абдулла Арипов, премьердин орун басары Рустам Азимов жана башка жогорку кызматтагы чиновниктер келишкен.

Муллажанов шейшемби күнү 67 жаш курагында көз жумган. Ал акыркы 14 жылдан бери Борбордук банктын башчысы кызматын ээлеп келген. Америкалык Global Finance журналынын версиясы боюнча, Муллажанов улуттук банктардын 2015-жылдагы мыкты башчыларынын тизмесине кирген.

Муллажанов акыркы эки-үч жылдан бери бөйрөгү ооруп, диабет менен жабыркап келген. Өткөн жылы бөйрөктөрү иштебей калгандыгына байланыштуу гемодиализ ала баштаган. Убагында оорусуна байланыштуу кыска мөөнөткө комага түшүп калганда дагы Каримов анын отставкасын кабыл алган эмес.

Булак: “Борбор Азия жаңылыктар кызматы”

Окуу жылын аяктоого карата мектептерде салтанат өткөрүүгө уруксат берилди. Бирок ал акыркы коңгуроо бүтөр замат, мектепте жана мугалимдердин көзөмөлү алдында болушу керек.

Билим берүү министрлигинин маалыматы боюнча, быйыл Өзбекстанда 467 миң бүтүрүүчү мектептерди аяктайт.

Булак: “Борбор Азия жаңылыктар кызматы”

Ырчы Тажикстанды баалай турганын жана жакшы көрөрүн баса белгиледи.

Юлдуз Усманова эки өлкө ортосундагы мамиленин жакшырышын кубаттайт. Ырчы Өзбекстан эшигин бир эле Тажикстанга эмес, бүтүндөй дүйнөгө ачып баштаганынан кубанганын айтты.

Юлдуз Усманованын тажик акыны Орзу Исоевдин калемине таандык ыры буга чейин эки өлкөнүн угармандарынын арасында кеңири тараган.

Булак: Борбор Азия жанылыктар кызматы