БОРБОРДУК АЗИЯДА

Украина тараптын билдирүүсүндө эгер Орусия колдогон жикчилдер тараптан коркунуч болсо, алар курал колдонууга даяр экени дагы айтылат.

Эл аралык балдарды коргоо күнүнө карата жарашуу демилгесин жаатташкан эки тарап тең колдогон. Бейшемби күнү эртең менен Донбасста элдешүү жараяны дээрлик сакталган. Аскер кызматкерлеринин маалыматына караганда, түнүчүндө гана жикчилдер украин позицияларын көздөй эки сапар ок чыгарышкан. Өзүн Донецк элдик республикасы деп жарыялап алган аймактын өкүлдөрү дагы украин тараптан эки сапар ок атуу болгонун кабарлашты.

2014-жылдын февралынан бери Донбасста 10 миңдей кишинин өмүрү кыйылып, 23 миңдейи ар түрдүү жаракат алды.

Булак: “Борбор Азия жаңылыктар кызматы”

Түркмөнстандагы атын атагысы келбеген ишкерлердин биринин айтымында, бул талап мыйзамсыз. Анын билдиришинче, биржа товарларды каттоо боюнча чет элдик ишкерлерден чет өлкөлүк валюта, жергиликтүү ишкерлерден манат түрүндө акы алат. Бирок чет өлкөлүктөр мүчөлүк акы төлөбөгөндүктөн, бул каражатты толуктоо жергиликтүү ишкерлерге жүктөлөт.

Импорттук товарларды бажы каттоосунан өткөрүү тууралуу жаңы талап Түркмөнстандагы коррупцияга каршы күрөштүн жаңы толкунуна туш келди.

Ишкерлердин пикиринде, биржадан уруксат алуу бюрократиялык кошумча тоскоолдуктарды жаратып, паракорчулукка жол ачат. Натыйжада расмий жана бейрасмий чыгымдар көбөйүп, сырттан келген товарлардын баасы өсүшү ыктымал.

Булак: “Борбор Азия жаңылыктар кызматы”

ТАСС агенттиги билдиргендей, машыгуулардын алкагында «Искандер-М» ыкчам-тактикалык ракета комплекстери алгачкы жолу Орусиянын сыртындагы машыгууларда баллистикалык ракета менен «согушкерлерди» жок кылды.

Борбордук аскерий округдун башчысынын жардамчысы Ярослав Рощупкин ракета 100 чакырым бийиктикке көтөрүлүп, жашырынган шарттуу жоочулардын машыгуу лигерин талкалаганын билдирди.

Андан сырткары машыгуулардын жүрүшүндө 201-базада жаңы түзүлгөн реактивдүү бөлүк тажик-ооган чек арасынан 15 чакырым алыстыкта жайгашкан Харбмайдон полигонунда мыйзамсыз куралданган адамдардын тобун реактивдүү снаряддар менен аткылашты.

Тажикстандын Улуттук коопсуздук боюнча мамлекеттик комитетинин башчысы Саидмумин Ятимов Ооганстанда абалдын курчушу КМШ өлкөлөрүн түштүк чектериндеги ыктымал коркунучтарга даяр турууга аргасыз кылып жатканын билдирди. Анын айтымында, азыркы шартта өлкө «буфердик мамлекетке» айлангандыктан, акыркы кездердеги ири машыгуулардын бардыгы тең Тажикстандын аймагында өткөрүлүүдө.

Булак: “Борбор Азия жаңылыктар кызматы”

Алматыдагы парадга шаар мектептеринин окуучулары, аскердик окуу жайлардын курсанттары, бий жамааттары жана ансамблдердин мүчөлөрү катышып, борбордук аянттан басып өтүштү. Күн мурун шаар бийлиги «Балдар менен өспүрүмдөрдүн чыгармачыл жамааттарынын парады» деп аталган иш-чарага даярдык көрүү иштерине байланыштуу аянттын кире беришин тосуп, коопсуздук чаралары күчөлтүлгөн.

Майрамга арналган балдардын параддары өлкөнүн башка шаарларында дагы өттү. Расмий маалыматтар боюнча Шымкент шаарындагы иш-чарага 15 миңге жакын окуучу катышты. Петропавлов шаарында парадга 1 600дөн ашык киши чыккан.

Булак: “Борбор Азия жаңылыктар кызматы”

Назарбаев ал кездерде репрессияланган адамдар кармалган лагерлердеги катаал шарттарды эске салды. «Бүгүн андай нерселерди элестетүү кыйын, анткени биз таптакыр башкача мамлекет курдук. Жарандардын укуктары менен эркиндиги корголгон, Казакстанда саясий куугунтуктоолор, саясий туткундар жок», – деди президент.

Тарыхчылардын маалыматына караганда, сталиндик репрессиялар маалында Казакстанда кеминде 22 миң киши атылган. Андан сырткары жалпы өлкө боюнча атайын ачылган лагерлерге беш миллионго жакын советтик жаран жөнөтүлгөн.

Расмий маалымат каражаттары билдиришкендей, Акмолодогу эстеликке гүл коюуга репрессияланган адамдардын туугандары дагы катышты.

«Түндүк Африкада мамлекет кыйрап, эл 10-20 жыл артка кеткенин билебиз. Ал жакта кырсыктар, терроризм, адам өлтүрүү жана каракчылык өкүм сүрүүдө. Ошондуктан бизге эволюциялык өнүгүү керек, ошондо биз алдыга жылабыз, – деген Назарбаев элди өткөндү унутпай, учурдагыны баалоого чакырды.

Укук коргоочулар өлкөнү 1989-жылдан бери башкарып келаткан Назарбаевди жарандардын негизги эркиндиктерин жана азыркы бийлик менен макул болбогон адамдарды кысымга алууга айыптап, Казакстанда саясий негизде камалгандар бар экенин айтып келишет. Бийлик болсо саясий туткундар жок экенин белгилеп келет.

Булак: “Борбор Азия жаңылыктар кызматы”

Андагы маалыматтарга ылайык, 2014-жылы өлкөдө экстремизм жана терроризм беренелери боюнча 154 киши камалса, 2016-жылы алардын саны 554кө жеткен. Өткөн жылы соттолгон 554 адамдын 327си «экстремизмге» айыпталышкан.

Ички иштер органдарынын ишмердүүлүгү боюнча коомдук кеңештин төрагасы Марат Когамовдун белгилешинче, экстремисттердин көбүн жумушсуздар түзөт. Арасында аткаминерлер, искусство ишмерлери, ишкерлер дээрлик жокко эсе. «Бул деген мамлекеттин социалдык саясаты өнүгүүгө, жаңыланууга муктаж дегенди билдирет», – деди ал.

PRI уюму изилдөөнүн алкагында абакта жаткан 200 адамдын арасында сурамжылоо жүргүзүп, терроризм менен экстремизм боюнча камалып жаткандардын жакындары менен сүйлөшүшкөн. Уюмдун Борбор Азия боюнча аймактык директору Азамат Шабиловдун айтымында, учурда казак абактарында үч миңден ашуун динчил адамдар бар. Алардын 763ү салафизм багытын кармангандар. Ал эми 90дон ашуун адам радикал ойлорунан кайтышкан эмес.

Изилдөөдө Казакстанда радикалдуу диний идеялардын мындан ары жайылышына бөгөт кое турган жогорку квалификациялуу жана тажрыйбалуу дин кызматкерлерине болгон суроо-талап дагы деле жогору экени айтылат. PRI көйгөйдү чечүүнүн жолдорунун бири катары Нидерландыдагыдай атайын абак имамдарын киргизүүнү сунуштоодо.

Булак: “Борбор Азия жаңылыктар кызматы”